بارت 29
.......
لا يسمح بنشرها بدون أسمي 🌹
......
♥️✔حنين الربيعي ✔♥️
احتفلنا وشفت جانب ب أسد ممنتبهة عليه قبل هوة
رغم عصبي بس بسرعة يرضى ويقتنع مثل الطفل
يدور مراعا واحد يدللة بكلشي حتى من ادلع حمودي
ميحجي بس يضل يباوع علية وعليه اندار عليه وهم
ادلعة بسرعة يرجع لون بوجهة ويضحك 😅 نمنا
وكعدت ثاني يوم نفس الروتين وأسد لازم بنطني
ويحجي وياها يريد بنية جانت فرحتي مسايعتني
وكل ما اباوع على أسد ومحمد ادعي الله يحفضهم
العصر جنة كاعدين واندك الباب طلع أسد ودخل وراه
نسوان صاح علية سلمت وكعدت يمهم اجت ام علي
هم كتلهم امي ترخصت جبت ضيافة ورجعت أسد
حصرني بالمطبخ تحقيق شيردون وشنو ومنو كتله
ما اعرف رحت قدمت الضيافة لكيتهم يحجون ويا ام
علي كعدت كتلها خالة أمري جانن ٣ نسوان ثنين وسط
ومرة جبيرة وياهم
ام قيس : انشاء الله خير يمه والله جايتكم بطلب ابني
قيس الجبير يداوم ويا بتكم وشايفها وسائل عليها الكل
مادحين بيها وباخلاقها وعاجبته واجينا نطلبها منكم
واتمنى متردونة والنة الشرف ناخذ منكم انتو ناس ونعم
منكم هية وينها البت خل نشوفها
ام علي والله يا يمه نشرف بيكم بس اني ما اكدر انطي
جواب اسئل اخوها واخوها يشور عمامها والله كريم
أساور كومي يمه شوفي زينب وين صيحيها وشوري أسد
أساور : انشاء الله طلعت وركضت على أسد كتله خطابة
على زينب وام علي كالت صيحيها
أسد: كم مرة كايلج امشي على كيف ومنين ذولي
أساور: سولفتلة منين وشنو وكال خل طب تسلم وتطلع
رحت صحت زينب وهية نخبصت تعدل بروحها شكيت
عدها علم لئن ضحكت من كتلها نزلت وجانت لابسة
دشادشة مخصرة حلوة مثل الفستان ومكياج خفيف
كحل وباودر وحمرة واحمر خدود سلمت وهنة مشاء
الله بس المرة الوسطة مبينة ممقتنعة حتى كلشي
محجت طلعت زينب ونسوان شوية وراحو
اخذت عنوانهم ورقم تلفونهم لئن كالت ردو خبر لميت
كلشي وشلت الصينية ورحت بالمطبخ لكيت أسد حاصر
