البارت 11
لا يسمح نشر القصة بدون أسمي ♥️
............
الكاتبة حنين الربيعي 🌹♥️
............
مات أسد مات وتبجي وموتت نفسها وطبن عماتها ولتمو الجوارين والعالم كلها ع العياط زينب أغمى عليها واني
ما اكدر ضليت على وكعتي لا اتحرك ولا اسوي شي بس اسمع واعية اجت زهراء علية وجرتني من شعري
موتتني والنسوان يجرن بيها واني ماكو لا ايد ولا رجل
صرت شلون الشلل من الصدمة جان بس اخر موقف
جمعنا يمر على بالي و المفاتيح بعدهة بأيدي ولا تركتها
زهراء:عوفني ولكم خل اموتها وارتاح منها من يوم الي
أجتي ما شفنا الخير ولا العافية مات سيف ونوب ابوية وهسة أسدددددد عووووفني خل اطفي نار كلبي بيها
ولك يااااابة يااا يمه خلصووووو اخواني
أساور : زهراء ضلت تون وتبجي أخر شي فقدت شالوهة النسوان واني اجت أم علي كومتني وطببتني بالغرفة وكالت
أم علي:أيمه ترة سد خلة يمي مفاتيح ذاك البيت هاج خليهم يمج وأني أفضل تروحين لتبقين هنا ذني
ميرحمن بيج وشفتي ذيج المرة شسون بيج لو ما أسد خلصج منهن هسة منو يوكفلج بعد ترة محد يرحم
أساور: من كالت هسة منو يوكفلج انفجرت بجي وحتى اختنكت حسيت روحي مكسورة وكسري ميجبرة أحد
عافتني وطلعت واني كمت ابجي واناشغ نفسي نكطع وصدري ضاق اختنكت ما اعرف شنو أسوي بعد كمت
عيطت بكل علو حسب احس الأوتار الصوتيه تكطعت وبلعومي يوجعني ولك أسد ليش أملتني بيك وخليتني
اتعلق بيك وتعوفني بجيت بحركة وعاتبت وكتله ارجع
مرن المواقف الجمعتنا سنة من يعيب علية ويعصبني
ويضحك من مرات يحرك دمي بأشياء ما احبها من علمني ما انام ليل ابقى منتضرته يجي أحس بأمان
وانام هسة شلون تغمض عيني وانته ماكو مرات متحسون بقيمة الشخصة الة لمن تخسرو واني هيج
محسيت بقيمة أسد الة لمن حسيته راح من ايدي واني اعرف شنو راح يصير اذا هوة ماكو لازمة المفاتيح
بأيدي وضليت اسولف ويا نفسي كتله أرجع وعد مني ما أفوت ولا ثانية وياك ارجع اني احبك أي احبك واليوم
تأكدت سبحان الله شلون يخلق الحب بين شخصين بدون علم ودراية ارجع 😭😭ولك أسد بس تعال😭
انته وعدتني ولازم توفي بوعدك😭😭😭😭😭
أسددددددد وضليت اصرخ لما تعبت ونمت
زهراء: اتصل ضرغام وكال على حادث أسد وكلي قلبه وكف اكو رصاصة قريبه عليه واحتمال واحد بالمية
