بارت 21
................
لا يسمح بنشرها بدون أسمي
.................
♥️✔حنين الربيعي ✔♥️
...................
.........
جرني من شعري وقرب وجهة علية وزمخ بية
أسد : ولججج اااااني هسة شحجيت علمنو حمار
أساور : عوفني اني مكلت حمار
أسد هاااا بلة اطربينا ست أساور شكلتي
أساور : كلت مطي مو حمار
أسد : ولج انوب اتعيدها
أساور : يحجي وعيونه صارن يخوفن حمر ويجر براسي احس مخي وكع كتله اني شعلية انته كلت
شكلتي كتلك هيج كلت الصراحة خفت ومن الخوف
كمت اضحك مدري شحجي كتله عوفني و الله بعد ما
اعيدها وبستها بخده وكتله هاي بوسة واسفة هم بس عوفني مخي وكع من الهز عمي مو حمار بس عوفني وكمت ابجي شو هذا كام يضحك
أسد : طبعآ أساور اكثر من مرة ملاحضها من تخاف متدري شتحجي وهواي تخربط بس خلتني ما اعرف
شسوي من باستني وكالت اسفة حمار مسيطرت ضحكت وهية كامت تبجي حضنتها وبستها براسها
كتلها الله يصبرني عليج وعلى جفصاتج شلون تردين تصيرين محامية رفعت راسها علية شمدريك باوعت عليها وعفتها ومشيت
أساور : اكو معلومات مدري منين جايبها بس شبي ضحك ماخذة مخبل بست ايدي وحطيتها على كصتي
كلت الحمد الله والشكر ربي شتشوفني بعد وشضام بعد
رحت لكيت زينب تجر ب انتصار ومدماية وتون فتت
من يمها سألت زينب أسد طلع كالت فوك سويت حركة لا ارادية باوعت عليها صفح وكلبت شعري رفعت
دشداشتي ومشيت اول خطوة وأحس انجريت وانكلبت على وجهي والضربات مدري منين تجي حتى
مشفت منو بس سمعت زينب تعيط عرفتها انتصار بس شلون كامت ثور وهيج بيها حيل دفعتها وعطت
أسد : دا اجهز غراضي باجر دوامي بس كلت خل اصيح أساور اسويهن مابية حيل طلعت وصارت
العيطة بوجهي وانتصار نايمة فوك اساور موتتها
وهاي لا أيد ولا رجل نزلت اركض رفعت انتصار
من شعرها ضربتها راشدي بعد مكامت اصحي بأساور
ماكو باوعت دم من راسها شلتها وصعدتها فوك رشيت
مي عليها بدت تصحى لفيت راسها ونامت نص ساعه
وسمعت صوت هوسة جوة كلت بسم الله بدت الهوسة
نزلت عمتي تولو وتنعي وعمي ابو عدنان كالب وجهة
كلت الله بالخير محد رد كتلهم ماكو داعي لزعل هيج
وهيج سالفة وبأي حق تسوي هيج واذا انتو ممربيها اني اربيها واذا كاطعين مهر اني ممسوي هيج شنو هل جرئة واني كتلكم ما اتقبلها بفراشي مرة ولا اريدها
