البارت ٤
للكاتبة حنين الربيعي ممنوع نشر القصة بدون إسمي ♥️
حبايبي اسفة البارحة مكدرت انزل بارت انكسرت ايدي بعيد الشر عنكم وصارت الكتابة شوية صعبة لئن ايدي اليمنى الي نصابت وما أعرف استخدم اليسرى قليل
اتركم مع تكملة البارت 🌹🌹
🌹🌹
انفتح الباب علينا وطلعت زينب
زينب : يااااا صخام أنفضحنا يبوووو ولك شلون تسوي هيج غرتك يخوية الفصلية ابوي اذا درة شراح يسوي مهما يكون على ذمته ولك تعال يابة شوووف نايم ورجليك بشمس وابنك والفصلية سوة
أسد:ركضت عليها وسديت حلكها ضحتنا وفتهمت غلط او متقصدة سحلتها للغرفة
زينب: ليش تسكتني خليني اكل لبوي على عمايلكم
أسد: ولج أسكتي لا ادفنج البنية اخذها النزيف وشلتها
زهراء؛ اي مبين نايمة بحضنك وانته كاعد لتزم يبووي وينك
أسد: تكستين لو شلون
زينب:ما اسكت وشتريد تسوي سوي الة اكل لبوي
أسد؛من حجت هيج كمت ما اشوف كدامي كتلها طولان لسانج يرادلة كص ضربتها راجدي من اثر الضربة وكعت بلكاع ضلت تباوع علية وتحجي من ورة فصلية طبعآ مضرابها أبد بس هل كامت تجاوز ولسانها اطول منها وابوي مريض وزادت حالته من وفاة اخوي صح هية فصلية وبكد بنته بس مهما يكون على ذمته واني ما اعرف ليش سويت هيج بس نتابني شعور غريب
من لزمتها اخذت غراضي وطلعت
أساور : بعد ما أعرف شنو صار بس كعدت لكيت دنيا ضهرية الضاهر من البارحة نايمة وراسي يوجعني
سمعت صوت الأذان كمت اسحل بروحي سحل رحت توضيت ودموعي شلال وتنزل دمعة تركض ورى دمعة وين جانتلي هاي اهلي شلونهم دراستي احلامي كلهن ضاعن صارن رماد واخذهن الريح اخذت سجادة بس ملكيت احرام صلاة ومابية اروح على أم علي اخذت الفرشة الخفيفة الي فوك السرير ولفيت روحي وكمت اصلي ثانية ركعة ونهاريت من البكاء وكمت اناشغ دعيت ربي يصبرني علما بتليت بعدها كملت ورجعت كلشي بمكانه وطلعت البيت جان هدوء حتى أم علي ماكو رحت للمطبخ سويت شاي وصمونة مالي نفس بشي خلصت شلتهن وضليت كاعدة ع الميز وصفنة تجيبني وتوديني ما أعرف شكد مر ؤقت على كعدتي من سمعت صوت ام علي
أم علي:يمه خلي أيمانج بالله جبير
أساور:ونعم بالله ونزلت دموعي
أم علي :يمه كومي ارتاحي والله موجود
أساور :الله كريم خالة الله كريم
كمت وضل الحال مثل ما هوة مرت لايام أسد قليل اشوفه وزينب مثل مأ هية يومية مشكلة وفضلت التزم الصمت مهما تكول لئن جسمي ما عاد يحمل أذى
مرت فترة كعدت على هوسة وناس طابة وطالعة سألت ام علي كالت باجر لاربعينة مال سيف ونجمعو حتى الفجر يروحون يزورو ومن يرجعون يطبخون
مشة اليوم عادي لا يخلو من المشاكل ودموعي تعلمت
صار ثاني يوم بس هوسة مو طبيعية واجت زهراء هم وتسمعني كلام والكل يباوع علية ويكول هاي الفصلية
صارت ساعة ب٤ الفجر ودنيا كمرية اجة صاحهم علمود يصعدون بسيارات زهراء كلتلي روحي ودي هاي برة
جانت جنطة وسط بس متروسة غراض اخذتها طلعتها خليتها يم الباب دا نداريت وجان انضرب بواحد
هوة رجع ليورة وكال أسف أختي كتله مصار شي شو ضل صافن علية كتله ها اكو شي محتاج شي شو هذا صلى على محمد واجتي زينب تخزرني وسلمت عليه من دخلت دا أسوي بستكاين الشاي واجت وراية جرتني من ايدي خلعتها من الصدمة كتلها شكو
زينب :كح... ساق... ام زلم وكعتي ابوية نوب اخوي وهسة جاية على خطيبي
اساور: ضليت مصدومة وصوتها يجيب التايه
وأقاربهم كولها ضلو يباوعون ويبسبن علية
واجت زهراء سمعت زينب جان تجرني من شعري وموتني ولا واحد بعدهن من فوكي وفجأة اجانة صوت عالي هز البيت هز طلع أسد محجة شي لئن كولها موجودة بس اجة كومني من يمهن وهنة ولا سكتن
اخذني من ايدي واني وراه ليكول لعبة وساحلني ودموعي ولا وكفت دخلني بغرفته وطلع وقفل الباب
أسد :جنت برة وأجاني عمار كال يلة نتوكل كتله بقن البنات كال أسد فد سؤال كتله جواب كال شفت بنية جوة بس سبحان الخالق منو هاي اني مشايفها قبل
كتله خاف جاية وية الاهل عل لاربعين كال ما ادري بس سمعت زينب كالتلها أساور اني من كال هيج فار دمي هاي شطلعها برة عفته ودخلت عليها ملكيتها كلت اكيد بالمطبخ رحت لكيتهن يكتلن بيها وما أعرف سبب مكدرت احجي لأن كولها موجودة وبعد هاي فصلية
اخذتها وخليتها بغرفتي بدون كلام احسن الها حتى لحد يتعرض الها عفتها وصلت ام علي عليها توديلها اكل وترجع تسد الباب ممنوع تطلع حتى لو محد اكو بالبيت رحنا زرنا وزعنا ثواب ورجعنا ومن رجعنا التهينا بطبخ العشى وذبايح ل٢ ليل واحنا ولا كعدنا
أساور :من سد الباب وراحو اجت ام علي جايبة أكل وكالت أسد هيج وهيج كال كتله بعد احسن على كولن ابو المثل لا أرى القرد ولا القرد يراني هية ضحكت كالت. ليسمعوج ضليت كاعدة بالغرفة بعدين صار عندي فضول😁 كمت فتحت كنتورة اباوع على غراضة شون مرتبهن تلمستهن رحت ع الميز اباوع ع العطور
فتحت المجر بي علبة جبيرة بس محابس وثاني ساعات
وهواي شغلات لكيت بس من فتحت الجرار الاخير لكيت صندوق فتحته لكيت بنصه هواي اكسسوارت قلايد تراجيات سوارات خلخال صور المرة وسط بالعمر وبعضهن المرة كبيرة بالسن وهوة وياها هواي شغلات داخل الصندوق لفتن انتباهي وكلت بيني وبين نفسي هاي ألمن يا ترى هوة ممزوج كال ابو معقولة ملات حبيبته رجعت كلشي بمكانه ورحت كعدت ع سرير وغفيت وما ادري بنفسي
أسد :فضت الهوسة وكلمن راح البيته وعزلنا كلشي واني ولد عمي غسلنا الجدورة الكبار وزينب كل شوية جايتني تسئلني على أساور تريدها هية تشتغل وما أجاوب بعد ما كملنا كلشي شربت شاي وصعدت حتى ارتاح نسيت هية بغرفتي طلعت مفتاح الغرفة فتحت الباب وطبيت سبحت حمامي داخل الغرفة وبدلت ذبيت روحي ع سرير بكل قوتي وسمعت بس عيطة
أساور:أني نايمة وما احس الة شي ثكيل وكع عليه عطت ونسد حلكي
أسد :فزيت وسديت حلكها شلون نسيتها صرت فوكهة وضوة كلش خفيف واني بس بالفانيلة وهية شكلها مفزوع وايدي على حلكها عيونها مفتوحة على وسعها
وشعرها منثور ع المخدة وجها ضليت صافن عليها شكد حلوة
أساور: أني نشف دمي وخفت واتنفس بقوة اخر شي اختنكت ثكيل وساد حلكي واباوع عليه صافن دفعتة
أسد :من دفعتني ابتعدت وكمت فركت وجهي بأيدي
كتلها نسيتج ما ادري
أساور: مصار شي اريد اروح يصير
أسد :وين
أساور: الغرفت ابوك خوما اضل يمك ويجيني كلام صاعد نازل
أسد :صفنت وكتلها روحي وابوي مموجود بايت يم عمي
أساور :هزيت راسي وطلعت رحت للغرفة بعد ما اجاني نوم ضليت شكد كاعدة افكر بالموقف وابتسم لا ارادي شوية وغفيت
أسد : شكد جنت تعبان حتى النوم طار من عيني من الموقف وضليت صافن الى أن غفيت
أساور:حسيت على شي يمشي بالغرفة كعدت مفزوعة ولنة ابو ضرغام كتله ها عمو اجيت كالو بايت يم اخوك
ابو ضرغام : اي بس صارت عندي شغلة وطلعت وتأخر الؤقت وأجيت أهنا
اساور:راح انزل افرش بالكاع وانام
ابو ضرغام:لا خليج
أساور :ضليت مصدومة شيريد مني ليش ميقبل انزل
شوية ونزع كل هدومه اني درت وجهي كتله اخذ راحتك راح انزل جوة انام
ابو ضرغام :لا خليج كتلج قابل غريبة وليش مستحية
اساور:ضليت مصدومة وخفت منه رحت فتحت الباب مقفول جمد الدم بية شوية واسمع صوت نفسه قريب علية يع لعبت روحي من صوته شو هذا لزمني من حصري ومدري شيحجي
ابو ضرغام: فصلية ومرتي بنفس الوقت ليش حارم روحي منج تعاي اريدج
اساور:كما ارجف وكعن دموعي ودفعته عمو انته مو كلت اني مثل بنتك
ابو ضرغام:اي كلت بس هسة تغير اريدج وغصبن ما عليج تتقبليني براضاج وغصب عنج
اساور: تقرب مني ودفعني ع سرير وصوت نفسه🤢 كمت ابجي وهوة يقترب مني دفعته قوي وكع بالكاع
وهوة تخبل بنت ال.. دفعيني مو اني اعلمج اجة هجم علية ولا جنة شايب حاول يعتدي علية واني من العياط بلعومي انجرح
أسد :أني نايم وسمعت صوت اساور كلت بس لا زينب وزهراء ادري بابوي يبات يم عمي رحت لكيتهن واكفت كتلهن شكو شنو هل صريخ بنص ليالي
زهراء +زينب؛الضاهر ابوك نسة دم اخوك ويريد ياخذها
أسد:كالن هل كلمات وراحن واني مثل المصدوم واسمع صريخها متحملت ركضت دكيت الباب ميجاوب بس صوت العياط يطلع كمت افتر بمكاني واكسر بالباب واصيح على ابوية ما أعرف ليش مردت هذا شي يصير
اخر شي كسرت الباب متحملت ونصدمت
