بارت 25
............
لا يسمح بنشرها بدون أسمي
..............
♥️✔حنين الربيعي ✔♥️
........
من اول يوم الي أجيت بيه فصلية لحد هذا يومي
دخلت أمي نيمتها بالغرفة جانت هية تسند نفسها..
اكثر شي متذب ثكلها علية البيت بي تراب لئن مهجور
واني مو زين علية الحركة هواي يعني مو مال انضف
خاف يصير شي بطفل ضليت كاعدة بالكاع منتجية
على الحايط بين الهول والمطبخ وابجي وادية بالكاع
يربي على بختك ليش هيج صار والله خلص صبري
ضليت ادعي والطفل صاعد على كلبي يخنكني
واني على كعدتي غفيت وراسي على الحايط حلمت
بأسد مكان مضلم ويمه اشجار وكله جروح ومتصاوب
وطين على وجهة تراب وجان واكع على ضهرة ويهذي
باسمي واجة ابو ضرغام كومه وحضنه وراح ويا
بس اني ضليت اصرخ عليه واعاتب بيه وهوة مستمر
يمشي حتى ملتفت علية اخر شي كتله تعال الخاطر
ابنك محتاجيك ثنينة نذلينا ونضربنا ونطردنا هوة
التفت علية واني جنت شايلة طفل بملحف ابيض
ويبجي أسد عاف ايد ابو ورجع علينة الطفل من شافة
بطل يبجي وضحك بوجهة وفزيت على صوت الباب
يندك كمت وخفت خاف هم همة مرديت دا اقفل الباب
الجوة وام علي كالت افتحي يمه هاي اني ام علية
مشيت فتحت الباب طبت رجعت قفلته وحضنتها
وابجي كتلها خالة اني لا حولة ولا قوة شسوي هسة اني
وين اروح وبهذا وضعي منا أسد منا قهري وطفلي..
الي على ساعة. يروح مني وامي ومرضها تعبت
ام علي: يمه اتكولين هيج خلي أيمانج بالله قوي الله
اذا حب عبده ابتلاه كلها أزمة وتعدي روحي اكعدي
وكافي دموع وديري بالج على الي بطنج وحافظي
عليه
أساور: الله كريم خالة الله يباوع الحالي طبيت وطبت
هية وراية خابرت وحدة اجتها بنية شابة عمرها يطلع
١٥. ١٦ سنة ما اعرفها كعدت بالغرفة وهنة نضفن البيت
ومقصرن وطبخن الغدة بحيث منقصني شي أبد
خلصو والبنية راحت وراها بشوية اندك الباب
