Something About Her (EROTIC ROMANCE)

Chapter 16

Okay everyone! 6 remaining chapters left at isang epilogue! Yaaayyy! Malapit nang matapos ang story ni Grego hehehhehe. Salamat sa mga nag-abang!

-Bella Vanilla

NAKATULOG na si Grego habang yakap-yakap siya pero hindi maunawaan ni Rin kung bakit hindi siya makatulog. Hindi naman siya natatakot na baka mahuli siya ng Nanang Marta niya na nakasandal sa matitipunong dibdib ni Grego at yakap-yakap siya ng binata mula sa likuran habang ito nama'y nakasandal sa dingding at mahimbing na natutulog. Ang inaaalala niya lang ay ang pinag-usapan nila kanina.

"May inutusan akong mag-imbestiga sa nangyaring aksidente sa'yo tatlong taon na ang nakalilipas. We found out the main reason why you're here and suffering. Makikilala mo rin siya. And I'll make sure that you're ready to face her when the time comes. Ayaw kong biglain ka at pwersahin ang utak mo na maalala ang lahat pero baka bumalik sa mga alaaala mo ang nangyaring aksidente sa'yo kapag nakita at nakausap mo na siya. May nagtangkang pumatay sa'yo, Rin. Hindi aksidente ang dahilan kung bakit ka nandito."

"Pumatay? Sino naman ang gustong patayin ako? H-hindi ako masamang tao, Grego." Mangiyak-ngiyak na tugon ni Rin.

"I know, Rin. Pero huwag mo munang isipin ang bagay na iyon. Nandito ako. Po-protektahan kita sa mga taong gustong manakit sa'yo..."

MAS LALO niyang isiniksik ang katawan kay Grego. Sino ang tinutukoy nitong taong nagtangkang patayin siya? Is she a bad person in her past? Bakit may isang taong gusto siyang burahin sa mundong ito? At saka isa pa, kung alam ni Grego kung sino ang taong nagtangkang pumatay sa kaniya, ibig sabihin ba no'n ay alam din nito kung sino siya? May alam kaya si Grego sa totoo niyang pagkakakilanlan?

Napa-isip siya. It is possible.

Kaya ba pakiramdam niya ay matagal na siyang kilala ni Grego? Eh, bakit parang wala naman itong sinasabi sa kaniya?

Marahan siyang umiling para iwaksi ang mga katanungan sa isip. Or maybe she's just overthinking. Hindi naglilihim si Grego sa kaniya. He's expressive. Lagi nitong ipinaparamdam o sinasabi ang mga nararamdaman o gusto nitong sabihin. Siguro naman ay hindi ililihim ni Grego sa kaniya ang tungkol sa bagay na iyon. Wala naman siyang nakikitang rason para maglihim si Grego sa kaniya.

He's expressive, yes... at parang lagi nitong ipinaparamdam sa kaniya na matagal na siya nitong kilala. She feels comfortable with him. Pakiramdam niya kasi ay alam na alam na ni Grego kung paano siya iha-handle kapag nagiging emosyonal siya. Katulad kanina, he knows exactly how to comfort her. Alam nito kung ano ang mga bagay na gusto niyang marinig upang mapanatag ang kalooban niya. He also knew the right words to let her know that he cared for her... that he is always there for her. At ni minsan ay wala pang nakakapag-paramdam sa kaniya ng ganoon simula nang magka-amnesia siya.

Gayunpama'y natatakot siya hindi lamang para sa sariling kaligtasan kundi sa kadahilanang baka may madamay sa gulo ng buhay niya. Ang nanang Marta niya, si Grego, si Erin...

Niyakap niya si Grego ng mahigpit at ibinuro ang mukha niya sa dibdib nito. Grego subconsciously wrapped his arms around her and secured her. Kahit natutulog ang binata ay tila nararamdaman nitong kailangan niya ng isang bagay na makakapagparamdam sa kaniya na ligtas siya. And his embrace is enough to make her feel safe and secured. Napangiti siya bago tuluyang lamunin ng antok.

Nagising si Rin kinabukasan na wala si Grego sa tabi niya. Nakahiga na rin siya sa kama at may kumot pang nakatakip sa kaniya. Humahangos siya na bumangon at lumabas ng kwarto. A sigh of relief escaped her mouth when she saw Grego in their kitchen. Nagluluto ito kasama ang Nanang Marta niya.