💫 #بين الحب والنهوة 💫
للكاتبة # نور الشمري (#نوشه)
# البارت الثاني
# صدفه جمعتني بكَ فجعلتني اعشق الصدف … كن معي ولنترك الصدفه مرة اخرى تجمعناا
ميس : رفعت راسي علمود اشوفه منو هذه بس ياريت مارفعت عيوني ولا شفت شكله ماعرف شنو الي يسحرني بي نسيت كلشي ونسيت اني وين تهت بملامح وجهه وبكل شي بي
اول مره اصفن بوجهه ولد غريب عني هواي شفت شباب وهواي ولد عمامي وعماتي وخالاتي بس ولا مره صفنت او انعجبت بواحد منهم جنت دائما اكول اريد فارس احلامي ينقذني منهم مو يربطني بيهم
ماحسيت بس ع كلماته وهو يحجي وياي وياشر بايده كبال وجهي يمه متت بهدومي من الفشله باوعت عليه بغزره وهو ضحك كال
- هااا صفنتي ع القلم الج لو لا
حجها وغمزلي من سوه هيج حيل اتعصبت وخدودي صارن نار باوعت عليه بغزره وحجيت
- شتريد اخي ممكن اتفضها
قدملي القلم وكال
- اريد فصل مو انتم اهل الفصول واني راسي انفشخ بلقلم ههههه
ابتسمت من كال اريد فصل باوعت عليه وكتله اي عود باجر اجيبلك سبره وعدل شعرك حجيت هيج وجريت القلم ودرت وجهي
رجع حجه هو قبل لا امشي
- متعرفنه ع اسمج
باوعت عليه بغزره وكلت عزرائيل ياخذ روحك شكو تتعرف ترا الكليه دراسه مو تعاريف
حجيت هيج ومشيت للبنات وهن يباوعلي ويغمزلي
مروه : ها ها ست ميس كبلتي من اول يوم
- انجبي لج رجعلي القلم وبس
ورده : ممم دانحاول انصدك بسس ههههههههه مدري وين شايفته
- غزرتهن ومر اليوم عادي رجعت للبيت واني اتلكه العاصفه الهناك
استقبلني ابراهيم يغوزر بيه دخلت وصار عمي ناصر كبالي باوعلي بغزره وكال
- ايييي خاتون واخيرن شرفتيناااا الساعه راح اطخ الثنتين الضهر وانتي تفترين بشوارع ويه الولددد
- عمووووو رجاااائاااا شهلحجي هذه اني رايحه ادرس مارايحه افتر بشوارع واني بت اخوك مو عدوتك
بعدني ممكمله كلامي وحسيت ع نتره ايدي من وره واحد عت ايدي حيل باوعت عليه ذياب
باوعلي وعيونه حمر دم كال
- اي بت عمييي شنييي بعدج ماصالج يوم وكمتي اتراددين الشيخ
باوعت عليه بكره وكتله شيخك الك وحدك واني حره ومحد اله حكم عليه ابوي عايش وهو يقرر عني
أنت تقرأ
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
