بين الحب والنهوة

part_23_

💫 #بين الحب والنهوة 💫

للكاتبة # نور الشمري (#نوشه)

# البارت الثالث والعشرون

#هــي #المشكله يعوج ويـاك
       #انسان چنت تصيحله #معدل💔

ميس : درت وجهي راسا بقيت اباوع ع عمتي ام رسلان شلون صافنه ع ليث بس ماحجت اي شي دارت وجهه وطبت جوه

موقف تمنيت روحي ميته ولا انحط بي شنو يعني واذا جان معوق هيج لا هو اول واحد ولا اخر واحد العالم متروس معوقين لو بقت ع ابني

حسيت كلبي انكسر من نضراتها الي جانت صافنه بيهن ع ليث والدمعه تلمه بعيني  حسيت ع
حجي يمه باوعت جانت

بنيه شابه واكفه بلباب تطلع بعمري او اصغر هيج حليوه وتشبه رسلان هواي

ملك : فوتي حبيبتي ليش واكفه البيت بيتج

- ابتسم بوجهه وهزيت راسي دخلت جوه كعدت يمهم شويه وكامت تجيهم ناس هواي ماعرفتهم منو دخلت مره ووياها بنيه ووره شويه دخلت مره ثانيه ووياها اثنين بنات ووحده منهم عدها جهال كعدن كبالي شويه و اجت كعدت بصفي البنيه الي جانت واكفه قبل شويه

- هلوو اني ملك اخت رسلان

- هلا بيج حبيبتي

- يمه فدوه هلحليوه ابنج مو ليث

- باوعتلها مصدومه اي بس شعرفج بي !!!

- اووو رسلان خابصنه بي كل مانخابره وجاب طاري ليث حبيته قبل لا اشوفه ههههه

- ابتسم ودنكت راسي شعور حلو اجتـاحني من كلامها ضلت كاعده اسولف وياي وخرت الضوجه مني جنت كاعده بوسطهم مثل الغريبه

وليث حيل زعجني بس يحوص ويريد يلعب واني كلساع اخزر بي ومايفيد لان اكو جهال تلعب كدامه ويريد يمهم خفت عليه حيل

حجت ملك وهي تباوعلي

- شرايج اعرفج ع الموجودين

- ماشي بس فدوه ولو مصير زحمه عليج كوب مي خل اطي الليث علاجه

- اوي يروحي يلا تدللين

كامت شويه واجتي جابت المي اطيت ليث علاجه حجت ملك 

- شايفه هذيج المره الكاعده الي عدها شامه جوه عينها

- اي الي لابسه حجاب اسود وواحمر

- اي هذه خالتي الصغيره كلش هادئه وماتنطوي ويه احد حته عيالها الي يحجي وياها تحجي ماحجه هي هم ماتحجي
والي بصفها بتها عمرها 15 سنه ومخطوبه الاخوي

- باوعت عليها راسااا ورجعت باوعت ع ملك وهمست ئئئ ومنو من اخوتج 

- ههههه رسلان

- هااااااا !!!!! فتحت عيوني مصدومه شنو يعني خاطب اي طبعا اثاري ما مكلبني ولا مهتم بيه حسيت الدموع اجمعن بعيوني سمعت ضحكت ملك