💫 #بين الحب والنهوة 💫
للكاتبة # نور الشمري (#نوشه)
# البارت الحادي عشر
ادري ما تسوه لجن بعدك عزيز
أذكر سويعـات منـك زينه
كون ترهم جا نسيتك من زمان
لكن الياخـذ مجانـك وينه؟
ميس : كمت بدلت وعدلت روحي ولبست شالي ونزلت عفته فوك نايم نزبت كلها جوه حبوبتي وازل وعمتي ام ذياب
ونسوان هم كاعدات معرفتهن منو يمكن كرايبها الام ذياب سلمت وكعدت يمهن ضلن سوالف وضحك هن بينهن واني صافنه
بغير عالم لا احجي،ولا اسولف ولا اضحك وجههي اصفر ومدري شبيه
اكو وحده من النسوان كاعده كبالي حجت وهي اتوجهه الكلام الي رفعت راسي الها
- يمه شو وجيهج اصفر شني مو عروس ماصالج يومين من ازوجتي
- هاا ماعرفت شجاوبهااا اصلا ضعفانه حيل من يوم الي ترك الكليه ضعفانه وصحتي مدهوره
ضلت ازل اجاوب عني لان ماجان عدي القدره الف كذابات حته اخفي الوجع الي بداخلي عنهن
مر اليوم عادي مابي اي تغير ومحد من اهلي مرو وشافوني يمكن لو لا وجود حبوبتي وازل جان انتهيت هن الي مصبراتني
دخل ابن عمي اخو ذياب الصغير اكبر مني بسنه كام يصيح
-عريسسناااااا عريسسناااااااا باوعلي وضحك ورجع يصيح عريسنا حامض حلوو جكليته
وهلهل بعلو صوته ويه هلهولته طلع ذياب من الحمام
- سممم حته سمممم فضحتناااا ابن الاوادم شبيك اتخبلت ماتكول عدنا خطار عدناا خـ*** ع راسك ولي من وجهيي
-ههههههه شبيك يخوي جاي اكلك فهد بره ينتضرك
- الله يطيح حظك وحظ فهدد فهد غريببب لعد امشي روح صيح اله امشييي
راح محمد يصيح الفهد جنه هستوناا مخلصين عشه اجت ازل عليه
- كوومي كووومي بساع نصعد فوك كوميي
- هاي شبيج شكوووو ولج
- ماكووو كوومي يلااا بسااع نصعدد لغرفتج يللااااا
كمت وياها وصعدنا فوك دخلت واني اباوع عليها تفتر ومتوتره صحت بيها شبيج احجي
- مابيه شي لنتي ناقصج
- من كالت هيج عبالك واحد وذكرني لمعت عيوني بلدموع وغرغرا حاولت اسيطر ع روحي بس مكدرت
باوعتلي هي وحجت شبيج ياروحي ترا داشاااقه فرديها شوي واتعودي ترااا هذا عمر راح تبقين هيج
- انشاءالله حجيت هيج بس علمود اخلص منها لان اذا نكت ماخلص من السانهاا
كامت هي تلعب بلمكياج واني صافنه سئلتها
أنت تقرأ
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
