💫 #بين الحب والنهوة 💫
للكاتبة # نور الشمري (#نوشه)
# البارت السادس
#هِيَ أَقْدَارٌ وَسَتَجْرِي كَمَا كَتَبَتْ فَ يَارَبِّ هَبَّ لَنَا مِنْ الأَقْدَارِ أُجَمِّلُهَا!،
ميس: الشعور الي حسيت بي مستحيل احد يكدر يحسه اعرف ارتكبت خطأ وخطأ كبير حيل من خليتهم يلزمون عليه لزمه
بس الموقف والمنظر الي صار كدانم عيني مستحيل اسكت عنه والتزم السكوت واني اشوف الشخص الوحيد الي جان يحبني حب طاهر ويريد مصلحتي يتاذه كبالي
ماكدر اتحمل هلمنظر هذا جنت مغمضه عيوني وامشي بكلام عقلي وقلبي وبس
نسيت اني منو ونسيت وضعي ونسيت كلشي حوالي وماهمني غير بس الشخص النايم كدام عيوني ودمه بطوله
صحيت واني احس بواحد يجي يركض صوب رسلان انتبهت عليه هذا امير اي والله هذاا امير صديقه
باوعت جنت بعالم ثاني ماعرف شنو الي دار بينهم بس نضراتهم كلهااا غضب وكلها اتريد تفترسني
جان ذياب واكف بصفي ويباوع عليه وعيونه حمر دم وابراهيم كامشني من شعري من وره العباه وكامش ايدي حييل
باوعت ع رسلان وادموعي تنزل ماريد شي بس يعيش والله ماريد شي هسه عرفت نفسي اني عايشه بوسط غابه من الحيوانات المفترسه
وماعدهم مانع هسه يذبحون رسلان عرفت غلطي شكد جبير من حسيت روحي راح اخسر حب حياتي انتبهت باسم يضرب برسلان وامير يدفع بي وولد عمامي دارو ع امير
اخر انفاسه وهم يضربون بي صحت اتركههههه عوفه لك باسم حرررام عليكككك عوفه اتركههه
اهئ اهئ لك وخرررررر صرت ادفع ببراهيم بس اريد اعرف بي عايش لو لااا من جهه اني ومن جهه امير جان مثل الاسد يصرخ ع صديق عمره
كله من وراي اني السبب عضيت ايد ابراهيم ودفعته وركضت ع رسلان امام عيون الكل وبوكتها مجنت حاسبه لحساب الجاي
وبعدين دفعت ثمن غبائي هذاااا
ركضت دفعت باسم ونمت ع رسلان وصرت اصحي بي ماحس غيررر بايد انمدت وجرت شعري من فوك الحجاب
رفعت راسي جان ذياب جرني حيل وشمرني يم عمي ناصر ورجع اجه عليه واني كل هذااا ماجان يهمني بس شي واحد بالي جان يمه وهو رسلان شفت امير دفعهم وراح عليه
كام يصحي بي اجه ذياب وجرني ورفعني صارت عيوني بعيونه حجه وهو يصك ع سنونه
- جبتي اخرتج والله لاندمج ع هاي الساعه وع الساعه الي ركضتي بيها ع هذاااا جان يحجي وياشر ع رسلان
همست بصوت ناصي واني اباوع ع عيونه
بــــــــس ببس كول ماميت والله اسوي الي تريده بس عوفو ذياب حرام عليكممم حراااااااامممم
أنت تقرأ
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
