💫 #بين الحب والنهوة 💫
للكاتبة # نور الشمري (#نوشه)
# البارت التاسع عشر
#هيج وتجيني اخبار ميت رجلها
اخذها والعباس هية وطفلها
ميس : كلمات حيدر نزلت مثل الصدمه الي مامصدكه لحد لان الي داسمعه معقوووله هيج وارجع الدراستي ومستقبلي ويكون عدي هدف اعيش علموده غير ابني
كلمات حيدر جانت مثل الطاقه الايجابيه الي اجتني ووعتني ع الي اني بي بثت الحياة بروحي ورجعت ربيع عمري الي مات
وازهر ازهار شبابي من جديد واوحى الي السعاده والامل بلحياة جان يحجي واني بالي مو يمه ولا الي حجاه بعد الي كال هذا الكلمات بالي طار وراح بعيد وبحر بتخيلاته واحلامه من جديد
فزيت ع بجيت ليث باوعت لكيته يتعارك هو وحيدر ع التلفون ابتسمت من اذكرت ليث من صغره وهو يتعارك ع التلفون حته من جان ابوه موجود مجرد مااذكرت ذياب
كأنما حلم وكعدت من عده كانما حلم وردي وانتته شلون اداوم واني هذا حالي شلون اداوم ومنو يخليني ناصر لو مصعب لو ابوي وابراهيم منوو لو كلام الناس
باوعت ع حيدر وعصرت اصابيعي وحجيت حيدر
- شلون اداوم واهلي !!!! ذياب !!
عمي ناصر !!! ليث منو اله !! كل هذاا شلون بي
- اذا ع اهلج هذول اخر من يتحكم بيج مو ذبوج ع ذياب الله يرحمه ومحد سئل ودك بابج وحته من انطردتي محد دار بال الج
واذا ع هذا العار عمج هذا حله عدي اعرف شلون العبها عليه واخلي يقتنع اداومين
واذا ع ليوثي انخلي يم حبوبتي وعمتي سرى مايحجن شي نص نهار يتونسن وياه وصدكي يكيفن
واذا ع حالته لا تخافين اني راح اراجع دكاتره علموده واشوف حل للرجله لا اشيلين همه
وو اذا ع علمود المرحوم ذياب لا تهتمين هو من قبل زواجكم يريدج اتكملين بس الضروف ماسمحت واني ادري بذياب اول واحد يريدج ناجحه واتكونين صيدلانيه واتحققين احلامج
لا تهتمين الاي شي وخلي كل شي عليه ماشي
- هزيت راسي واني مبتسمه دنكت بست راسه واشكرت منه واخذت ليث وطبيت للغرفه اباوع عليه كبر وصار يريد يمشي بس ميكدر من اشوفه هيج ادموعي تنزل ماعرف ابجي عليه لو ع حظي لو ع ابوه الي تركنا وراح
كلها التمت وياي وكل الضروف عادتني وصارت ضدي وكفت كدام المرايه واني اباوع ع شكلي عبالك عجوز عمرها 60 سنه مو بنيه شابه عمرها دخل ال20 سنه لا عبالك
كبرت 40 سنه فوك عمري
شويه ودخلت بان ونورهان استغربت وجودهن ذاك الاسبوع جانن هنا شعدهن جايات
بقن يسولفن ويضحك حجت نورهان وهي تلعب بليوثي وكعدتته يم ابنها ودارت عليه
أنت تقرأ
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
