((( وهذه بارت وكولش اعتذر ع التاخير بس ماعدي نت صالي يومين والبارت اني كاتبته من زمان بس النت ضعيف ومايحمل لو ماكو فدور وهسه اني طالعه وكنكت ع بيت خالي بس علمود انشر البارت الكم انشاءالله بس يجي النت اعوضكم))))
💫 #بين الحب والنهوة 💫
للكاتبة # نور الشمري (#نوشه)
# البارت الخامس
# ادري ما تسوه لجن بعدك عزيز
أذكر سويعـات منـك زينه
كون ترهم جا نسيتك من زمان
لكن الياخـذ مجانـك وينه؟
طلعت فتحت الباب وصارت كبالي عمه سرى باوعتلي بخزره وغضب ودفعتني وطبت للحمام بقيت صافنه شبيها معقوله سمعتني لاااا
اني جنت احجي بصوت ناصي يالله دخليك كلشي ولا هاي يالله
طلعت يم البنات شويه وره العشه الكل كاعد طب بابا كال
- ميس باباتي تعالي بديوانيه عدنا حجايه وياج
احس جسمي كله رجف وكمشتني قشعريه بكل جسمي اريد اوكف ع رجليه ماكدررررر خفت لا عمه سرى سامعتني احجي ويه رسلان وحاجيتلهم بس لااا عمه سرى ماسوي هيج
كومه افكار اجتاحت راسي وفكري ومداكدر اصفه ع قرار واحد اخر شي شجعت روحي وكمت اكيد يحاجوني ع ذيج السالفه من اتعديت
ع عمي ووكفت بوجهه علمود ذيج المره قنعت روحي هيج ومشيت وره بابا دخلت وراه لكيت عمي ناصر وعمي مصعب وذياب وابراهيم واوس بس هذوله كاعدين
كعد بابا واني كعدت قريبه عليه بس اعصر بديه عصر واحس شي راح يصير من العصبح واني مخنوكه واحس راح يصير شي
وادري بحساسي بمحله لان مجربتها شفت عمي ناصر ولا باوعلي وابده ياكلني اكل
حجه عمي مصعب وهو يباوع عليه كلماته نزلت عليه مثل الصاعقه دخلت بصدمه واني اريد استوعب
الي داسمعه بس احس دماغي وكف عن التفكير وانشلت كل احاسيسي شعور صعب حيل
- بنيتي انتي تدرين ابن عمج ذياب خطبج وانتي صغيره واحنه ماعده عمررر مادام بلغت هذهو يحقلها الزواج
بس ابوج بوكتها وكف وكال بتي محد يقرر عنها وهي صغيره هسه وانتي وكفتي بوجه عمج وذياب
وحته قللتي من قيمته وهنتي وهو سكت وكال بت عمي اصغيره
محد ناسي ذيج اللحظه بس انحاول ننساها يبت اخوي وبوكتها كلنا طفله والسانها متبري منها وتكبر وتعقل بس كل ماجاي اتكبرين السانج يطول وياج وعينج تطلع
بيوم الي رفضتي ذياب وبكل عرومه وهلكدوتج بكد الجف وانتي اتراددين
ذياب سكت وكال هلص الموضوع انتهه وبت عمي مثل اختي بس كلناااا جنا كامشين كلوبنا منج لان ندري بيج عرمه والسانج اطول منج
أنت تقرأ
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
