بين الحب والنهوة

part_24_

💫 #بين الحب والنهوة 💫

للكاتبة # نور الشمري (#نوشه)

#البارت الرابع والعشرون

#زمان كنا نبتسم الى الجميع بطيبة قلب نثق بهم و لا نعلم نواياهم لكن الان عرفنا كم كنا خاطئين عند الوثوق بهم فألايام تخرج لك وجوه اشخاص كنت تضنهم شي اساسي في حياتك

رعد : بس وداعت ابوي كلشي ما بي لا يضل بالج والله بخير ذاك وينه اصحه مني جنه حصان ينطح بس واحد يتقرب منه ههههه

- لا لااا رعد فدووه ليش بلمستشفى لعد اذا مابي شي 

- ولج والله مابي شي دايضمدون جرحه والوالد كال روح جيبهم خل يضلون يمناا جيبي غراضكم واني انتضرج بسياره

حجه هيج ومشه لسيارته واني مثل المسودنه دخلت للبيت ماعرف شسوي اذا صار بي شي من وراي اني طوخت وياه وطلع الله ياخذج ميس الله ياخذججج

دخلت لغرفته وصرت الم اله ملابس وابجي شلت تشيرته حظنته وصرت ابجي رسلان لا تتركني انت هم فدووه والله بعد ماعاند ولا افتح حلكي بكلمه بس ارجع وكوم ع رجليك يارب احميي اذا مو الي الليث ااي صار اله اب

يارب دخيلك لميت ملابسه ودموعي ماوكفت ثانيه رحت لميت غراض لليث والي كم قطعه وطلعته بلباب شافني رعد اجه اخذهن مني

واني دخلت اتاكدت من البيت ماناسيه شي وشلت لييث ع كيفي لا يكعد ويبقه يتنوحس عليه اخذته وطلعت ركبت يم رعد واني دموعي تجري باوعلي وهمس

- والله هنيالك رسلان عمي والله مابي شي هاي الدموع ع شنوو هههههه خوي مسحي دموعج وبهشارب اجيبلج رجلج مثل الحصان يركض ههههه

-  رعد اخدني اله فدوه مارتاح اله اشوفه مابي شي

- والله مابي شي باجر يطلعونه وشوفي يلا الوقت متاخر

وصلنا بم بيتهم واني كوه حابسه دموعي ماينزلن نزلت راددياخذ ليث مني ماخليته دخلت جوه صارت عمتي ام رسلان كدامي كاعده بلمطبخ تبجي من شفتها

حسيت كلبي طلع من مكانه رعد رسا صاح

- يمممه شجاج مفوله ع الولد انتي من جهه ومرته من جهه عمي حته لو مابي شي من وراجن راح يصير بي شيي

حجه هيج وطبب جوه عمتي باوعتلي بخزره وطبت جوه ماعرف وين اروح واضاهر ملك نايمه دخلت غراضي وحطيت ليث ع التخم بصاله وغطيته وبقيت كاعده يمه انتضر بلكت يجون  غفيت واني مادري بروحي شلون غفيت

راسي ع التخم بصف ليث وجسمي بلكاع فزيت ع هووسه يم راسي رفعت راسي صار رسلان كدامي دخل للصاله وكفت ملهوفه عليه من شفته

هو خزرني ماهتميت الي شي عادي اخزر اضرب بس اهم شي مابيك شي لو مو فشله جان ركضت عليه وحظنته كدامهم كلهم كعد هو ع التخم بصف ليث الجان نايم