بين الحب والنهوة

part_10_

💫 #بين الحب والنهوة 💫

للكاتبة # نور الشمري (#نوشه)

# البارت العاشر

# زفوج وامج هلهلت واني امي بالله توسلت بلكي ترد عافيتي

ازل : رفعت راسي اشوف ذياب وين راح بس انتبهت ع اشخاص واكفين بنهاية الشارع بسياره بيضه يمكن اثنين تو اكثر مادري ضلمه وماكدرت اميزهم منو

ماهتميت الهم دخلت جوه وصارت عمه سرى كبالي اتلكتني وهي تصيح

- وين رحتي روحي لهاي العنيده خبلتني اتخبل شلت راسي شل كل شويه وتبجي ويعدلن مكياجها وكالبها الكشره عليناا

-هههه سروو علكيفج اعصابج ترا حقهااا والله خطيه مو قليل الي راح تعيشه

- وانه ضدهااا بس ياازل اني اريدلها الزين وهي هذهو صارت مسمايه بسم اخوج ولازم اصونه

والله نهايتها ع ايد ذياب اذا ضلت هيج واني اكلكم يومين ويجيكم خبر موتها اذا ضلت ع هاي سوالفها

-اوووف عمه ترا ذياب مو مجرم بس هو شويه قاسي و

- انجبي انجبي لج اتعرفني بذياب ماتدري انه اعرفه اكثر من امه ولي عن وجهي وراحي هدي هاي الجوه لا اصيرلنا فضيحه

- عمه شبيججج ع كيفج اشو جنج انعديتي منهم

- لا يا حقيره تعالي انه الج

هههههه عفتها وطبيت جوه لكيت ميس كاعده والعيون مورمات من البجي والمكياج نصه مخرب والحال حال ولا جنك عروس

رحت يمها وضليت اشاقه وياها وهي ولا كانما احجي احجي وياها صافنه بغير عالم حسيتها متوتره وخايفه كمت اجيبله مي شويه خطيه احس وجهه اصفرر

ميس : رجعت كعدت بمكاني وسمعت اصوات الجهال وهم يصيحون اجو اجوو حسيت روحي راح اموت والي اجو هم الدفانين

راح يدفنوني بلحياة واني عايشه راح اعيش جسد بدون روح بس هيهات اسملح بهذا الشي

مستعده اكضي كل عمري بسجن ولا اعيش الي راح اعيشه ويه ذياب واخلي يلمنسي وياخذ اليريده ويكسرني

اعرف بي هو يريد ينتقم مني وبس ان رفضته قبل وقللت من رجولته وهو هددني علني

وكال ولسه كلماته اترن بذني وماكدر انسه كلماته من 7 سنوات

انتي الي وراح اخذ ثاري ومربع هم قللتي قيمتي كدام ابوي وعمامي اله اخليج تبجين دم واتندمج ع كل كلمه كلتيها الي واله اخليج اتحلمين اشوفين السعاده واريد اشوف منو الي راح يكدر يفتح حلكه وانتي ملكي اذكري يبت عمي لو شكد ماتمر اسنين انتي تبقين الي ومحد ياخذج مني

صحيت من فكري الي شردتت بي واني اذكر كلمات ذياب الي قبل 7 سنوات من رفضته اليوم حقق منيته وصار الي يريده