💫 #بين الحب والنهوة 💫
للكاتبة # نور الشمري (#نوشه)
# البارت السادس عشر
#يهنيالك .
..... #يالمسودن
ولا مره انشغل #بالك ..!!
.
ميس : مرت الايام واني عايشه بسعاده ماكدر اكول حبيت ذياب لان هذا الحقيقه لحد لان ماكدر يسكن كلبي بس اتعودت عليه
وكمت اتقرب اله بس علمود اكدر اعيش واتعايش وياه واكدر اعيش ابني احسن عيشه ومااخلي ينقص شي
بس علمود يكون عدي سند غير حيدر حيدر ماديم الي باجر عكبه يزوج ويضل ملتهيي بمرته وجهاله
واني !!! ابقه مالي احد بهدنيا هذا ع الاقل اجر ذياب الصالحي ويكون سند الي والابنا ويجوز بلايام الجايه والعشره احبه
بيوم خميس مثل باقي الايام ومثل كل خميس عمي ناصر يذبح ويعزم شيوخ العشاير لو اصدقاءه لو كرايبه كل فتراا يعزم احد
الكل جان ملتهي بلشغل وشتغل وخاصه الطبخ صار ببيتنا مرت عمي تمشي واتوصي والبنات ويانا وخاصه عمه سرى ماتركتنا ابد
بقيت ياصاعده يا نازله يا صاعده يا نازله ماكدر اعوف ليوثي فوك ولا اكدر انزله هنا يم الجهال
خليته نايم فوك بس كل بالي يمه دك تلفون بان الي جانت كاعده يمي باوعت جان رقم غريب عفنا يدك وحده
الشهر الجاي عرس بان والكل ملتهي يسئل بيها شنو اشترت وشنو حظرت وشراح اسوي وهي تشتغل واجاوب
سمعت صوت ليوثي يبجي عفت الشغل ورحت اركض اله سمعت مرت عمي مصعب حجت من مريت منها
- اييي داري دااري بلكت الله يرحم بحالج شوف الله شسوه ببنج من وره عمايلج
باوعت عليها واني واكفه ع نهاية الدرجه همست بصوت حاد
- عمممه احتراماا العمرج راح اسكت واحتراما الذياب لان هذا بيته وماريد اطلعين منه زعلانه
بس لا عبالج سكتت الج لان ضعيفه وماعرف اردج لا غلطانه ترا بعدج ماتعرفين ميس زين
عفتها وصعدت الابني واني افور من تصرفاتها الي مو بس هي الكل يسمعني اشكال الكلام
بقيت اهدي بليوثي وارجع نومتة بس ماقبل ينام اخذته ونزلت صارت حبوبتي كبالي هستوها اجت بس شافتنا صاحت
- هلا هلا بلغالي ابن الغوالي هلا بلزين كله تعال يبعد حبوبتك تعال لك فصعون صاير محلالك عين البارده اتحرسك وعين الحاره تعميها الزهره يايبعد حبوبتك
يمه يمه يبعد طوايف هلي تفداك عشيرتك نفر نفر
بقيت اضحك ع سوالف حبوبه شكد اتحب ليوثي اتموت عليه هليته يمها ورحت اساعد البنات طبو الولد واني جنت دايره وجهه ومطيه ضهري للباب
YOU ARE READING
بين الحب والنهوة
Romanceقصتي الجديده ...... محتواها تتحدث عن فتاة يتيمة الام حالها حال جميع الفتيات تقع في الحب لتعيش معاني ذالك الحب وعذابه واحساسه لكن فجئتا يتدخل في ذالك الحب تلك النهوه التي تكون سبباََ في فراق الحبيبين فتنجبر على فعل شي لم تتوقعه بيوم ان يحدث فتدفع ثم...
