صماعليكم
احم نكمل على بغكة الله
المهم شافتو مي ماكانش وحدو كان مع طبيب و من لڤيزاج تاع باباها فهمت بلي راهو مقلق سو راحت تجري قبل ماتصرا ديgا
مريم : سلامووو واش با ( اختصار papa ههه) سافا ، ريحت شوي
محمد : وي الحمد لله
مريم : خير دوكتور درتولو ليارام و لي زاناليز و خلصتو ؟؟ خرجو ؟؟
عمو الطبيب ههه: درنا ليزاناليز خرجو صافيين مي ليارام لازم يروح لسبيطار اوخر باه يديرهم بسك هنا شارجي غرااف مي حضرتو ماحبش يدي الورقة هادي باه يقدر يديرهم
مريم : اوك اوك هات الورقة و مرسي
مدلها الورقة و راح مريم عمبالها بلي ماهم شارجي ما والو مي بلادنا هكذا لازم تمرمد الواحد باه يقدر يدير حاجة و عمبالها باباها يكره هاد العقلية مي الله غالب واش يدير
مريم : ايييي بابا عمبالك بلي راني ميتة بالجوع ، ياك درك نروحو للدار ولا وكتاه
محمد : قلت كي تنوضي نعيط لخليل يجي يدينا
مريم : احم احم عندي فكرة هايلة ، شوف نروحو درك نسنيو لوراقي تاوعك و نضربوها بتور لكاش famille café نديرو فيها فطور الله الله و نروحو وحدنا بكاش طاكسي مانعيطو لخليل ماوالو ، واش رايك
محمد بعدما مسحلها على راسها ( واش تعجبني هاد الجاست ، تجسد الحنان تاع الأب يااه ) : ياوحد الموكراشة عمبالي تحوسي تاكلي ايا امشي قدامي
مريم : تعجبني كي تفهمني ههههه
و راحو يمشيو مع بعض للريسيبسيون و من زهرهم هاداك وين دخلت العجوز تاع البارح هههههه مريم شافت ناضت تڤيبري من الضحك
محمد : بلابلابلابلابلا ( تاع واش جا يدير ثما )
موقرقر مدتلو لوراقي ولات دنقت تشوف في مريم وجهها راح يكلاطي ولا احمر من الضحك بسك تفكرت واش دارت لبارح
موقرقر : موسيو هادي بنتك
محمد : وي وعلاه
موقرقر : هههه باينة المدللة تاعك و تموت عليك
محمد : هههه وي هي بالذات ههه
موقرقر : علابيها البارح فيراج ماقتلتني
محمد سنييا و قاللها : لاه واش صرا
موقرقر : ههههه لالا مي سمحلي بنتك مقلقة بزااااف
محمد : هههههه وي هكدا هي ماتحبش لي يليكيديها ودرك ربي يعاونك
و راح
مريم (وييييييي لي زوووووووم هاي لهدرة ) : بابا جبت حوايجك اوكل ياك
ڤيريفا روحو لقا تيليفون يووك وي نساه نعم لقد تم نسيان معامل الحياة بكل بساطة
YOU ARE READING
الحكيمة المجنونة
Paranormalحياة مرحة بسيطة في وسط عائلة عادية و لكن ككل الناس ههههه مخطئون على الرغم من بساطتها لكنها مميزة. مختلفة برأيها بمنطقها باسلوب حياتها و وجهة نظرها و لكن ياترى فيمن سيتمثل توأم روحها قصة من وحي الخيال ^+^