الحكيمة المجنونة

ثااااااااارتييييي فووووووور

سلااااااااام

Bonne lecture

هو يمشي و هي موراه تكركر في روبتها و هو هاز لفاليز تاعها لحقو للشمبرة حلها ، دخلت مريم تتفرج برك شمبرة تهبل في النوار و لبلو عجبتها بزااف هو حط الفاليز في الارض و قعد على كانابي صغير و هي نحات باسكيتها و قعدت فوق السرير احم قلت قعدت قصدي طيشت روحها فوق السرير ماهي تخمم في والو جيست حابة ترقد

ليث : واش يالباندا راح تزيدي ترقدي ولا

مريم : وييي مزلت عيانة تقوشي ريبت مgرس ياجدك

ليث : نوضي عندي هدرة معاك قبل

مريم : ماتقدرش تهدر هكداك برك

ليث : مريم نوضي

مريم : هاني نضت اسيدي انطق

ليث : درك رانا متزوجين

مريم : اهاه جيب الجديد

ليث تبسم بخبث وقاللها : مي على الورق برك

مريم فهماتو و خدودها مايقصروش و دارو خدمتهم هو عرفها حشمت و مع الأسف حشمت في الباطل

ليث : اوك ماكالاه يروح تخمامك للبعيد

سكت شوي ولى قاللها : من اللخر ماراح يصرا بيناتنا والو سي جيست عايشين في دار وحدة و قرايتك كيما وعدتك تكمليها نورمال يعني تكملي حياتك نورمال مي بصفتك مرتي كنت راح نوصيك على الهدرة مع دراري و كذا مي على حساب معلوماتي و راني نعرفك نتي ميش من الجور لي يخالط ، الزواج هادا مانقوللكش قداه يدوم بسك مانقدرش نحدد المدة هادي عمبالي درك تكرهيني و في حقك مي انا خدمتي هي لي اجبرتني باه نتزوج بيك و يجي نهار و تفهمي علاه مي نقوللك برك ديزولي كنتي نتي ضحية و..

حبس هدرتو كي نطقت هي و شوكاتو بردة فعلها كان متوقعا تبكي تعيط عليه تضربو تقوللو طلقني مي هي خسرت عليه ثلاث كلمات

مريم : ساعة و عاود ولي

ليث : اوك نخليك تخممي

خرج ليث اما مريم سكرت الباب تاع الشمبرة و قعدت تخمم في هدرتو هاد الحالة مالفا تقراها غير في ليكرونيك ولا مسلسلات مي درك راهي تعيش فيها ، راح تبكي نن ميش راح تبكي بسك بالنسبة ليها البكاء مايفيد في حتى حاجة راحت هزت لفاليز الوحيدة لي هبطتها معاها الباقي خلاوه في الطيارة حتى يجيو يهبطوهم واقيلا ، حلتها لقات منظر فشلها ، بيجاما تاع إنسان حي طبيعي في مخو ماكانش ثما كاين غير الحوايج لي مايتلبسوش ويي هادوك لحوايج لي راكم تخممو فيهم ، درك حصلت تروح تجيبهم بعيدة شوي + الليل و البرد ، ماتروحش واش تلبس ماتقدرش تقعد بروبة هاديك ، ولات حكمت نحات الماكياج هاداك و حلت شعرها من العقاب تاع لاكوب خخخ هي خلصت و ليث طبطب في الباب ناضت دارت خيمارها أكيد مادامها ميش راح تكون مرتو ميش راح تنعتلو شعرها يعني راح تقعد متحجبة توالو