الحكيمة المجنونة

ثااارتييييييييييييييي ثرييييييييييييييييي

اوهايوووووووووووووووووو

هي لحقت للونفي و تسمع أمين يعيطلها

مريم في قلبها : ااه يازحي تقولي راهو يتوحم عليا

دارت لقاتو قريب يلحق ليها و وجهو اصفر كي قشرة القارص قاللها : هاداوين عيطلي ليث

مريم : اهاه

امين : كانت عندو حفلة و تقاس من رجلو

مريم : واااااااات لاه و كيفاه و من وكتاه انطق

امين : لبارح برك ماقدرتش نسقسيه بزاف هو اصلا ميش قادر يهدر و جاك قاللي مبعدا يعيطلي بسك هاداك وين لحق الطبيب

مريم : ولاه ماراحش للوبيتال

امين : تكبر ليستوار وقتها و لابوليس ووو

مريم : مزلت لحد الان مادخلتش لراسي تاع لFBI هادي بسك هوما يحميو الناس ميش يهددوهم و مايخافوش من لابوليس أمين سيريو احكيلي الصح

امين : ندورو ندورو و نعاودو نوليو للأول يخي قلتلك ليث يحكيلك

مريم : يمالا كي يهدر معاك السي ليث غير قوللو ينسى وحدة وسمها مريم بسك انا هاد الجياحة ماحبتش تدخل للراسي و لوجيكمون هادوك لعباد مايهددوش و باه بورقة ها شوي قدر اصحبي مزلنا في ليميكي ولا

و دارت دخلت تقرا راحت قعدت توال ماريا برونشات الكيتمان دارت سورة البقرة و حطت راسها تخمم لقات اللي دارتو هو أفضل حل ماهيش حابة تخلط الريتم تاعها حياتها و قرايتها + ماامنتش تاع صح راهو يحوس عليها و شكون يضمنلها راح يقعد معاها هكذ بالمختصر هي خايفة وي خايفة من الاهتمام تاعو هادا خايفة لا تحط ثقتها فيه و يغدرها خايفة لايتبدل عليها و هي اصلا ماتعرفش كيفاه تتعامل معاه بسك جامي ويلا كانت كوبل و لا دخلت لراسها هاد الافكار سوو ماعندهاش كيفاه تدير ولا شكون تسقسي ، خايفة من قداه من حاجة و أولهم قرايتها و حلمها بسك متعلقة بيهم غراف و على اساسهم راهي حاكمة في الدنيا و خايفة تكون بهدرتها راح تخسر واحد صح يحبها و يقدرها علابيها يقولو ياليتنا نعلم مافي قلوب غيرنا

ماهيش حابة تضيعو من يدها و ماهيش حابة تريسكي بروحها ، اصلا هي خايفة تدخل عبد جديد تبني عليه حياتها و ماعمبالهاش يا هو ناس ملاح و يكون قد الثقة و المسؤولية لي راح توكلهملو ولا لالا ، اصلا فكرة الزواج كانت منحيتها من راسها بسك ماقدرتش تيماجيني روحها راح تعيش كيما لبنات هادوك اووكل ، وي هي مميزة روحها عايشة عادي مي ميش كيما الناس اوكل و ماتديرش كونفيونص في الناس إطلاقا ( نهلة tv ) ، هههه تضاد نن !! هي الاولى ماهيش فاهمة روحها و ماتقدرش تهدر هاد الهدرة لحتى واحد حتى أمها ولا صحبتها هادا هو الجزء لي مخبياتو عليهم ديما على صورة الجريئة الواضحة لي ضاربة الدنيا بكوتبي و للي ماعندها حتى هم يعمرلها راسها مي الجانب لوخر واحد ما علابالو بيه ....