الحكيمة المجنونة

تواااانتيييييييي فاااااااايف

هاااااااي

ليث تنهد و ماجا ينطق حتى شاف طفلة طاحت و تبكي : اوووو واش بيها هاديييك

على هدرتو اوكل دارو يشوفو فيها ، مريم و ماريا ناضو يجريو ليها و ليث و امين موراهم

مريم : ختي خير شبيكيي لاه راكي تبكي نديوك للسونطر و لا لوبيتال اذا حبيتي

يارا : وإذا ماحبتش وين تديها للبارك مثلاا

الطفلة(منار ) و هي تبكي : اااه اليوم هادا منحوس عليا اهئ اهئ

مريم : استغفري مولاك شبيك ما منحوس ماوالو

منار : بلعت إبرة

مريم : واااااااااااات

ماريا : يابغل بلعت بانقل( هاديك لابرة لي نحكمو بيها الخيمار)

مريم : امين ازرب روح سقسي نقدرو نخرجوها للوبيتال ولا ماعلاباليش ليسونسيال دير حاجة ، قالتلو و هي تخبطلها في ظهرها لاعوش تقدر تخرج الإبرة هاديك مي ياخسارة بلعتها و خلصت

منار : صاي بلعتها راني حاسة بيها هنا واقفة ، قالت و هي تشر على كرشها

جا امين قاللهم راهم عيطو للومبيلونس درك يجيو

مريم : بف هادوك يديوها ربع سنين باه يجيو المهم ياك خلاوها تخرج ، ليث تعيش هايا نديوها

ليث : اوك هايا

راحو داوها ركبو اوكل في الطوموبيل ماريا و ليث من القدام و امين و مريم و منار من اللور امين في عوض مايصبر منار قعد يصبر في مريم

امين : صاي مريم لاه راكي مخلوعة ماهيش بيزار درك نديوها و نشوفو واش يديرو يابنتي وجهك ولا اصفر قطرة الدم ماكانش في وجهك ، اذا دمتي هكذ كيفاه راح تولي طبيبة الالة

مريم : ههههههه عبالك قلتلي هكذ طلعلي المورال

مي الخلعة ههه

كملو طريقهم لمزية ميش بعيد بزاف لحقو دارو لمنار ڤيزيت قالولها عندك سمانة كومبلي تاكلي الخرشف اذا ماقدرتيش تخرجيها نديرولك اوبيراسيون وخلاص

ايا خرجو و عاود ليث قلبهم للافاك كي هبطو حكم مريم ستناهم حتان بعدو شوي و قاللها

ليث : زهرنا ماقدرناش نهدرو اليوم يجي نهار و نزيدو نتلاقاو و في هاداك النهار نكونو وحدنا اوك

مريم : اممم يعني لافيريتي درتها زكارة آيه هادي عفسة نكرهها صيغة الامر

ليث : هههههههه اوك أسيدي

مريم : تمااام و درك باااي و مرسييي

و راحت تجري لحقت لبنات اما هو قعد يشوف فيهم حتى دخلو و ولا راح للدار اليوم مايخدمش