حياة مرحة بسيطة في وسط عائلة عادية
و لكن ككل الناس ههههه
مخطئون على الرغم من بساطتها لكنها مميزة. مختلفة برأيها بمنطقها باسلوب حياتها و وجهة نظرها و
لكن ياترى فيمن سيتمثل توأم روحها
قصة من وحي الخيال ^+^
Oops! This image does not follow our content guidelines. To continue publishing, please remove it or upload a different image.
New day
ناضت مريم بكري ليث مزال راقد راحت صلات فطرت ولات عقبت على الحالة مسحت الغبرى و فرزت شمبرتها اصلا الدنيا مسقمة ، لبست جبة سقمت روحها كي سمعت صوت الماء عرفت بلي ليث ناض راحت وجدتلو لفطور و قعدت تحوس في الكوزينة كشما تلقا باه تدير لغدا مي مالقات والو ، هزت تيليفونها قعدت تتفرج في فيديو تعاود تكونفيرمي لي زانفورماسيون الطبخية تاعها حتى تحس بحاجة على كتفها و حاجة تدغدغ في رقبتها دورت راسها تلقاه حاط راسو على كتفها لحيتو لي دغدغتها يديه في جيبو و يقرعج واش راهي تتفرج ، مريم جمدت ولات بعدت عليه و قالتلو : ريح تفطر
ليث : صباح الخير ، رقدتي بيان
مريم : صباح النور ، وييي
حطتلو يفطر و تكات على البوطاجي كملت الفيديو حتى سمعاتو يهدر
