تلقا سنان واقف و متكي على الباب مريم صاي فهمت بلي ميش راح تخلاص على خير مع العبد هادا مي مالغري سا و دارت روحو ماهيش تشوف فيه بسك مهما كان راهي ضيفة و هادي لابروميار فوا لي تشوفو فيها و هي ماتعرفش عقليتو ولا حتى شكون هو ، هزت لبلاطو و جات راح تخرج وقفلها في طريقها( عندو بروبلام تاع يوقف للناس في طريقهم مسكين ماتديروش عليه )
هز لبلاطو من يدها و حطو فوق البوطاجي و قاللها
سنان : علاه ميش حابة تهدر معايا
مريم : كشما تحتاج من عندي
سنان : نحتاجك انت
مريم : شنهيييي
سنان : حابك انتي ليا
مريم : ههههههههه ضحكتني مرسييي هههههههههه و درك بعد من طريقي
سنان لاح يدو جبدها لصقها فيه : راني سيريو عل..... ايييييي
احم نظن راكم فهمتو ياس مريم عطاتو بضربة لجوهر العائلة مي هكداك و مابردش قلبها زادت عطاتو كف و قالتلو
مريم : احمد ربك كي راني ضيفة عندك ، الخطرة الجاية ماتعرفش واش ندير
سنان : اعععععع تسلكيها غالية ........
و هزت لبلاطو و خرجت يقابلها ليث طول حطاتو بسك شافتو زادم عليهم و باين ماراهو يشوف في حتى واحد ابار سنان اللي راح يكون بين يديه مي لمزية مريم زربت حكماتو من يدو
ليث : مريم اطلقينيييييي
مريم سكرتلو فمو بيدها وقالتلو : حبي ( ستارفور الله ) تعيش كالمي ، هايا معايا نهدر معاك هايا
و كركراتو لشمبرة جاية ثم لمزية مشا معاها دخلو و سكرت الباب
ليث خبط يدو في الحيط و قعد يتمتم أكيد ميش اذكار المساء باين كان يسب
ليث : واش قاللك
مريم عاودتلو واش صرا
ليث خبط برجلو الكرسي لي توالو : عرفتو مزال رخييس ولد لحرام ، انا الغالط لي جايبك و جاي بففف ، مريم هايا مابقاتش قعدة هنا ، مالغري مانتهناش حتان نديفورميلو وجهو
مريم : كي نخرجو درك زينب واش نقوللها ، راجلك يحوس عليا ، خمم مليح ليث كون جا هو برك ساهلة مي كاينة هي و بنها تقدر هاد الهدرة تكبر و تخربلهم حياتهم
ليث : واش تحوسيني ندير نقعد كي الطحان السيد يحوس على مرتي و انا نقابلو في طابلة وحدة و نتبسملو امبوسيبل هادي
مريم : بففف مام انا مانقدرش نقابلو
ليث : نتي السبة
مريم : شنهييييييي و انا واش دخلني لاه انا لي لحت روحي ليه ولا
YOU ARE READING
الحكيمة المجنونة
Paranormalحياة مرحة بسيطة في وسط عائلة عادية و لكن ككل الناس ههههه مخطئون على الرغم من بساطتها لكنها مميزة. مختلفة برأيها بمنطقها باسلوب حياتها و وجهة نظرها و لكن ياترى فيمن سيتمثل توأم روحها قصة من وحي الخيال ^+^