Hiiiii
راني درت بارت طويل عليا استمتعوا
كانو واقفين مع بعض حتان جا واحد قاللهم بلي لحق مول الديجي ( للسهرة تاع رجال ) و راهم وجدو لاصال - بسك جهة راهم يعشيو فيها و جهة للسهرة - اذا حبو يتاكدو
ليث : هايا تيم نشوفو كشما يخص ونتا روح بدل قشك درك نلحقوك
امين : لاعوش نجي معاكم ، ولا خلي نروح نبدل و نتوما شوفو مليح . ولا نجيي ؟.؟
تيم : هههههههه يالموسوس روح برك درك نجيو
امين : سيير
ليث : بلع و طير علينا
راح امين بدل قشو و هوما ڤيريفاو الحالة و راحو بدلو تاني ، و هبطو تعشاو مع صحابهم( العشا يديرو طاجين زيتون و الدوارة و طاجين الحلو و لحميس و كاين لي يحبو يزيدو لي بلا خرين و الديسار )
، و راحو لجهة السهرة قلبو الدنيا بالشطيح سيرتو الثلاثة هادوك مع التمهبيل تاعهم كل دقيقة يهزو أمين يدورو بيه و لفيليمنجان قلبو الحالة تقوشي سطاد
، حتى لمبعدا جات ام ليث و جدة امين - ياك امين يتيم الام - جابو لبلاطو تاع الحنة كي العادة حنة تاع الحج يبللوها بماء زمزم
دارو لامين على اغنية حني يالميمة هي قريب تخلصلو و تيم لاح يدو
سميرة : ههههههه ياوليدي مزروب ، ان شاء الله نحنيولك في عرسك
تيم : ان شاء الله ا خالتي ان شاء الله
دارت لتيم كي خلصت تلقا ليث حطلها يدو ، ضرباتو ضربة خفيفة : يخي نتا متزوج خلي التور للي مزالو
امين همسلو في وذنو : كون تسمع بيك مريم تحاوزك شهر كي والو
ليث تفكر : الالالا عجبتني برك حبيت ندير مي خلي للي مزالو
سميرة : هههههههههه عمبالك بلي عاقلة عاقلة مي ماعندو وين يدورلها
كملو دارو الحنة لاصحابهم و كملو سهرتهم مبعدا تفرقو مع باطات القاطو { نشفا في عرس خالي وصيتو يجيبلي باط و الحمد لله كي جابولي سيزاتو نبع الحنان :') }
الجماعة راحو لدار امين بسك قريبة من لاصال كل واحد حكم شومبرة ليث بدل لبس سيرفات و كان ناوي يرقد لكن تاتي لي زابال بما لا تشتهيه الاوقات ، هز تيليفون لقاها مريم
ليث : خير ان شاء الله على الوحدة تاع ليل و نعرفها ماهيش من جور تاع تمعشيق ليل ، لاعوش تكون توحشتني مي مانظنش تفرط برقادها
~ درك هز و لا بلع ~
هز هدر معاها : اوك ربع ساعة نكون عندك
YOU ARE READING
الحكيمة المجنونة
Paranormalحياة مرحة بسيطة في وسط عائلة عادية و لكن ككل الناس ههههه مخطئون على الرغم من بساطتها لكنها مميزة. مختلفة برأيها بمنطقها باسلوب حياتها و وجهة نظرها و لكن ياترى فيمن سيتمثل توأم روحها قصة من وحي الخيال ^+^