البارت الاول .
.
✍ .
روز علي
.
صعب أن تحب شخصاً لا يحبّك .. والأصعب أن تستمرّ في حبه رغم عدم إحساسه بك .
.
اصعب انواع الحب . هو الي من طرف واحد . رغم كل الاهتمام الي تقدمه بس تشوف الشخص المقابل حتى ممافكر انه انت تحبه اصلا او ممكن تفكر بي .
شلون متنام الليل بسبب التفكير بي . شلون بكل شي وبكل خطوة تقدمه اله على نفسك .
.
اي هاي اني اسمي نور الوحيده الاهلي . مواليد ٩٢ خريجه اعلام من الجامعه العراقيه . بس ممتعينه حاليا كاعده بالبيت .
مواصفاتي ناعمه كلش طولي ١٥٨و وزني ٥٦. بيضه بعيون كبار وسود وتلمع . باقي تفاصيلي ناعمه وحلوة . كأي بنيه ناعمه . احب اكثر شي بحياتي الرياضه لذلك من يوم يومي اني بالجيم . (النادي) عندي لياقه بدنيه عاليه وجسمي مشدود . وانثوي .
بيتنه بمنطقه الكاظميه وره الامام البيت هو ورث من جدي الله يرحمه .
من اجيت للدنيا جنه عايشين بي ٥ عوائل وره ولادتي بسنه تقريباً بدو عمامي يشترون بيوت يم اهل زوجاتهم ويطلعون من البيت الغير مناطق ..فوالدي . اشترى حصص عمامي الي طلعو . بقه عم واحد ويانه . وهو كان عنده بس ابن عمي مصطفى .
.
مصطفى اكبر مني بساعات اني ويا اجينه بنفس اليوم وبنفس الشهر وبنفس السنه عشنه سوة طفولتنه ومراهقتنه ودراستنه اكلنه وشربنه سوة . جنه اذا نطلع للمدارس يوصلني المدرستي ياله يروح المدرسته كان يصيحلي توأمي وصلت ثالث متوسط بدت مشاعري اتجاه مصطفى تتغير بديت احس بشي اتجاهه نبضات قلبي انفاسي كلهه تغير بوجوده . الى ان بيوم قرر عمي لازم يشيلون وفعلا هم باع حصته الوالدي وهمه شالو . بيومهه مكدرت اعوفه بقيت بحظنه وابجي وهو يتوسل بيه .
قبلت بالامر الواقع وشالو وراحو صارو يجونه الا ما ندر حتى احنه نادرا ما نروح . ومن اروح هو مموجود وارجع واني ما اشوفه لذلك كمت ما اروح من يروحون اهلي. اما مصطفى بالبداية صح يجيني للمدرسه او يجي للبيت بس كم شهر بقه وراها بدت تقل جياته الى ان قطع . كنت شكد اشتاق اله ومرات ما انام ع كد ما ابجي وانقهر واتأذه خلصت ثالث متوسط ودخلت اعداديه حياتي تغيرت كل شي بيه تغير حتى صرت هادئه اكثر جسمي صار انثوي اكثر وبيوم كاعدين اني وماما وبابا اتصل عمي مسوي مشكله وصايره بيهه فصل واحتاج بابا بما انه ابويه عنده معارف هواي . فراح ابويه وحل المشكله بس من رايح البيت عمي متعارك ويه عمي ابو مصطفى علمود هيج مسوي ومتعارك . ومن يومهه زعل عمي من ابويه وطرد ابويه مع العلم والدي اكبر . ومنع اهله كلهم من عدنه . استمرينه ع هذا الوضع الى ان تخرجت من كلية الاعلام . كل هاي الفتره واني حتى مصطفى مشايفته ولا حتى راسلني بيوم او حجه ويايه تأكدت همه خلص لغونه من حياتهم . بس مكنت اكدر الغيهم او الغي من حياتي . شكد كانو بالكلية يتقدمولي او خارج الكليه . بس ما اكدر احس مشاعري بس اله . بالبدايه بعده كان كلش يأذيني وتمرضت بسببه لكن بمرور الايام بديت اتعود ع فراكه .
