.
البارت السادس .
.
نور .
صعدت وياهم للعياده بقينه بصاله الانتظار كاعدين شويه
كانت كاعده سكرتيرة بالصاله لابسه تشيرت ربع ردان اصفر وبنطرون برموده . وحذاء كعب . وشعرهه مفتوح وتعلج . اباوع ع سارة خازرتهه وكاعده . كشكل كانت كلش عاديه وجاية وملغمطه وجهه بالمكياج . تباوع علينه بنظرة جانبيه .
.
سارة . اوي بعد ما اتحمل .
كمت ردت افتح باب الغرفه الي بيهه خالو
.
السكرتيره . تعاي عيني وين رايحه . عفية انتظري بمكانج .
.
سارة . انتي شعليج . تره اني جايه ع خالي مجايه عليج .
السكرتيره . احترمي نفسج واعرفي ويامن تحجين .
.
سارة . ليش ويامن دا احجي باعي ع روحج ماعرف شلون خالي ملفيج يمه . عيع
.
السكرتيره . عيع عليج يا ادبسز يا حقيره يا ممتربايه .
.
نور .
مشفنه غير ساره هجمت ع السكرتيره وكفشتهه من شعرهه مطلتهه بالكاع . احمد يجر بسارة واني اجر بيهه ومنكدر الهه الى ان طلع الدكتور من الغرفه
.
زياد . (بصوت عالي وعصبيه ) هاي شصاير هنا
سارة . خالو والله هي كامت تغلط عليه .
.
السكرتيرة . لا دكتور هي البدت وكفشتي وكعتني بالكاع .
.
زياد . حسابي وياكم بعدين . . خل اكمل المراجعه .
.
نور . رجع طب للغرفه . بس من طلع من الغرفه الى ان رجع اني صافنه على لون عيونه . كان خال كمامه وجهه ممبين بس عيونه . وعيونه لونهم عسلي ع صفار ومحددات رموشهم كثيفه عيونه كارثه تجنن يباوع بنظره حاده وبيهه خزرة . مادري لحظتهه مكنت بوعيي . ابد . حسيت ع روحي من دغتني سارة .
.
سارة . اكعدي شبيج .
.
نور . تره خجلتيني والله يعني عيب . همزين جينه بوقت متأخر وماكو احد لو العياده متروسه جان شصار .
.
سارة . عادي جان هم كتلتهه . اني اعلمهه .
.
نور . اي كليلهه بالطلعه . هههههه .
.
بقينه كاعدين دقايق الى ان طلعت . المراجعه كامت ساره هي واحمد فاتو للغرفه بقيت اني بره صاحتلي
.
سارة ..لج نور تعاي يمعوده شبيج .
.
نور . كمت من مكاني . وفتت للغرفه . بس مادري كنت مرتبكه خايفه . هيج شي كان هو واكف يغسل على المغسله وناطينه ظهره . كلت السلام عليكم .(بهدوء )
.
زياد .
كنت واكف اغسل واحمد يسولف ويايه وساره تصيح ع بنيه اسمهه نور . طبت للغرفه سلمت . التفت ع نبرة صوتهه . اول مره احس قلبي يرف بهيج صوت . بسرعه التفت .
عليكم السلام .
بقيت صافن عليهه . وهي كانت صاكه ع اسنانهه وتفرك ايد بأيد يمكن متوتره .
.
سارة . خالو . هاي نور بنت عمو قاسم .
.
زياد . اهلا وسهلا . ((مديت الهه ايدي صافحتهه )) . تشرفت
نور . شكرا . الي الشرف .
.
سارة . خالو عليك الله شوف اسناني . حباب والله هذا سن العقل ديموتني .
.
زياد . ان شاء الله يوم اليطلع وتعقلين ونخلص من خبالج بربج اكو وحده هيج تسوي بسكرتيرة خالهه . تره عيب .
.
سارة . عيع خالو وين لكيتهه . دشوف شكلهه .
.
زياره . حبيبتي خالو . تعلمي مو هم الشكل . اهم شي الجوهر
.
سارة . ياخالو وربك لا جوهر ولا شكل . بسرعه كامت تغلط عليه .
.
نور . تره انتي هم مقصرتي .
