البارت الثاني
.
✍ روز علي . rose_____ali
.مصطفى . ها ساره شكو شبيجن .
.
سارة . نور ماعرف شبيهه شو واكفين كالت لزميني راح اوكع وبس ترجف .
.
مصطفى .
من كالت نور صارت رجفه بقلبي تذكرت كل شي حلو . ابتسمت وكعدت كدامهه .
.
باوعيلي نور كليلي شبيج . شنو الي يأذيج .
.
نور . متت من صار كدامي لو يروح اني اصير زينه هالمره كعد كدامي وشلون يسألني بطريقه هادئه متحملت ابقه يمه ولا كدرت اجاوبه وكفت ولزمت ايد ساره .
عفيه اريد اغسل
.
مشيت خطوات اني وساره بعدهه مكدرت افتح عيوني وكعت ومحسيت بشي .
.
مصطفى .كامت من يمي وهي محجت ولا كلمه كلت شبيهه ليش هيج متغيره . بقت عيوني عليهه مشفتهه غير وكعت رحت بركضه عليهه خليت ايدي جوة راسهه وشلتهه طببتهه للبيت تلكوني كلهم يصيحون شكو وشبيهه . نيمتهه ع القنفه ونزعتهه الشال . انثر شعرهه ع وجهه . وخرته بأيدي
.
ام نور . يمه بنيتي شبيهه مصطفى .
.
ابو نور . مصطفى شبيهه نور .
.
مصطفى . عمي مابيهه شي لتخاف بس صار عدهه هبوط .
.
ابو نور . ليش بالعكس هي ملتزمه بأكلهه واكلهه صحي ليش وكعت .
.
ام نور . ملحكت تاكل اليوم يادوب اكلت لكمه وحده وطلعت .
.
مصطفى . وين طلعت .
.
ام نور ..راحت للصالون .
.
مصطفى . وحدهه (بصايح)
.
ام نور . اي يوم شكو عليهه .
.
مصطفى . صدك تحجين شنو تخلوهه تطلع وحدهه . (بصايح) . ساره جيبي الجنطه البيهه الغراض .
.
سارة .
اخويه جان مو طبيعي وحسيت اوضاعه كلهه متخربطه يمكن معجب بيهه يمكن . لو لا مادري بس ليش مثل الغار عليهه من عرف طلعت وحدهه . جبتله الجنطه وبده يفحص بيهه قاس ضغطهه .
.
مصطفى . مابيهه شي . هبوط صاير عدهه بس عمي باجر تعالي للصيدليه اوديكم ع ابو مختبر . ناخذلهه عدة تحاليل نشوف شبيهه . . بقيت كاعد يم رجلهه ولازم ايدهه بأيد وبالايد الثانيه اطبطب ع خدهه فتحت عيونهه شافتني كدامهه من شافتني التفتت بالجهه الثانيه وسحبت ايدهه مني . فكرت كلت يمكن زعلانه مني بس هاي شصايره شلون جمال صايره شلون عيون بس شعرهه صاير كارثه بس اني اعرف شلون ارضيهه اذا زعلانه مني .
.
نور . كعدت . صار بوجهي هو.. من شفته التفت ماريد ارجع اتأذه هو حتى مفكر يسلم عليه او شي اصلا معرفني . كام من يمي واني هم كمت رحت عدلت نفسي ورتبت شالي . جابتلي مرت عمي كيك وعصير برتقال اكلت منه شويه وطلعنه
مصطفى . طلعنه للسيارات قبل ما اصعد بسيارتي صحت ع سارة .
.
ساؤة . ها صوفي .
.
مصطفى . اكلج حاولي تقنعين نور تجين انتي وياها بسيارتي بس لتكليلهه سياره مصطفى هاي .
.
سارة . ماشي .
.
نور .
ردت اصعد بسياره ابويه جتي سارة تتوسل بيه اصعد وياهم وبقت حتى تتوسل بأمي تقنعني .
.
سارة . امشي نور حبابه والله ما احب اكعد وياهم وحدي اريدج ويايه فدوه
.
ابو نور . بنيتي روحي ويه بنت عمج .
.
نور . ماشي بابا . رحت وياها صعدتني بسياره بيضه عاليه . صعدت اني وياها ليوره وعمو صعد بالصدر . تحركت السيارات وبقينه احنه باب البيت وحدنه . شويه واجه مصطفى صعد يسوق . حجيت ويه ساره بهمس .
.
. ليش مكتيلي مصطفى راح يسوق .
.
سارة . اي واذا غير ابن عمج شنو يعني .
.
ابو مصطفى . مصطفى انت روح اني اجي وراكم .
.
مصطفى . وين رايح يابه .
.
ابو مصطفى . ابني رايح ع الشيخ اجيبه واني ويا نجي روح انت .
.
مصطفى . ماشي .
شغلت السيارة وتوجهنه البيت العروس . اني وسارة نضحك ونشاقه وعالكين اغاني بس اباوع ع نور مو ويانه طفيت الاغاني وحجيت وياها .
.
شلونج نور .
.
نور . بعد وكت . ..التفت عليه وجاوبته
زينه الحمد لله .
.
مصطفى . ليش ضايجه
.
نور . لتسألني الله يخليك . لتسألني شي .
.
مصطفى . من تتأذين احس بيج انتي توأمي
.
نور . . هه 😏 هواي تحس بيه
.
مصطفى . وكفت السيارة والتفتت عليهه .
.
كليلي شبيج شنو الي مضوجج .
.
نور . حسيت دمي كام يفور شلت موبايلي من ع الكشن وحجيت .
.
ترريد تعرف من شنو ضايجه . منك انت
.
فتحت باب السياره ونزلت . نزل هو يركض ورايه
.
مصطفى . نور وين رايحه .
.
نور . للكبور .
.
مصطفى . بلا خبالات وامشي صعدي .
.
نور . ما اصعد . ومن الاول لو اعرف هذه سيارتك ما اصعد .
.
مصطفى . وحق لا اله الا الله ان مصعدتي ابتلي بيج
.
نور . صعدت بدون ما احجي ويا لان شفت وجهه صار احمر دم . خفت لا يصفكني راجدي واني ادرري بي من زمان مخبل هو . صعدت وصعد ورايه شغل السياره ومشينه .
.
مصطفى . هسه احجي ليش هيج ضايجه مني .
.
نور . مضايجه منك واعتذر .
.
مصطفى . نور . لتحركين قلبي ع شنو تعتذرين .
.
نور .
بعد محجيت شي ويا الى ان وصلنه بيت العروس طبينه للصاله الكاعدات بيهه النسوان والرياجيل بالاستقبال كاعده العروس بالباب شفتهه حلوة ونازكه وكفت كدامهه وصرت افكر واحجي ويه نفسي اني احق بهذا المكان الي انتي كاعده بي بس هاهيه بعد مصطفى راح من يوم الي شالو من عدنه اني نلغيت من حياته الله يسعدكم ويهنيكم . عفتهم وطلعت خطوات للطرمه ردت اشتم هوا جنت مخنوكه وحابسه الدمعه بعيوني . خلصو عقد ورجعت . طلعو الرياجيل من الاستقبال وفوتو العروس كعدت هي بالكوشه وكعدت اني الجهه اليمنه يعني اصير مقابيلهم . اجه مصطفى كعد يمهه بدو يقطعون الكيك ويوكلهه وتوكله . واني احس قلبي نار بكل خطوة يسويهه الهه . احترك ونار تشب بيه . صارت عيني بعيونه بقه صافن بعيني واني هم موخرت التفت عليهه .
.
مصطفى . اعرفج هذه نور بنت عمي . وتوأمي
.
ندى . اهلا وسهلاً .
.
نور . اهلا بيج .
.
كملو كل شي شغلو ديجي . اني كان دمي محروك . بدون وعي مني نزعت الشال ونزعت الجبه وكفت بالوسط اركص . وبما انه اني داخله جيم فمن ضمن التدريبات كان عدنه رقص زومبا ورقص شرقي لذلك اعرف بقيت بالوسط ارقص الى ان طلعت حركه قلبي . اخر شي وكفت اخذت شالي والجبه . واخذت فوني وطلعت ... طلعت واني الدمعه بعيني .
.
مصطفى
. تفاجئت من شفت نور نزعت الشال اباوع ع شعرهه نفتح و وصل للخصر وبدت تركص بالوسط . بس رقص مو عادي رقص راقصات .ورة شويه مشفناهه غير اخذت اشيائهه وطلعت اشرت الساره تلحكهه .
.
سارة . نور وين رايحه .
.
نور . للكبور الطمني بعد ما اتحمل ما اكدر ابقه بعد دقيقه .
.
ساره . بس اريد اعرف ليش هيج تبجين . شبيج . شنو الي قاهرج هيج ومضوجج .
.
نور . تعاي ويايه
.
سارة . وين رايحه .
.
نور . اكو كوفي قريب . رايحه اكعد بي شويه .
.
سارة . نور مو وكت كوفي لتجيبيلنه مشاكل كوليلي شبيج .
.
نور . مابيه حبيبتي لتشغلين بالج بس اني ضجت لان متذكرني رغم اني ابد منسيته
.
سارة . لا اكيد مينساج بس هو غير هسه شوية مشغول تحبين ورة متكمل الحفله احجي ويا
.
نور . لا سارة ديري بالج ..
.
بقيت واكفه برة الى ان طلعو كلهم طلعو اهلي رحت صعدت بسيارة ابوية .بقيت انتظرهم يصعدون . بس الاهل متجيهم السوالف وميتذكروهه اله يم الباب . كنت صافنه ع الباب وهو كان واكف بيهه بس مكنت ادري بالي بغير مكان شفته اجه عليه انتجه ع باب السيارة
.
مصطفى . الحلوة وين صافنه .
.
نور . دنجت اكلب بفوني واحجي ويا ماريد اباوع عليه
. مصافنه .
.
مصطفى . ما اصدك . ومن احجي وياج باوعي بعيوني .
.
روز علي
.
