البارت الرابع .
.
✍ روز علي .
نور . وين رايح .
.
مصطفى .
محجيت صعدت فوك الغرفتهه فتحت الباب وفتت .
.
نور . شتسوي هنا .
.
مصطفى . فوتي دا احجي وياج .
.
نور . بخصوص شنو .
.
مصطفى . اريد اعرف ليش ضايجه مني ليش بهيج
نبرة تحجين ويايه ليش من تحجين مترفعين عينج بعيني .
شنو معقولة ناسية انتي توأمي
.
نور . هههههه توأمك . لا هاي الكلمه راحت من زمان
جاي هسه تكلي توأم . اوك راح اسألك سؤال وجاوب تعرف اني من يا كليه تخرجت . تعرف شكد طلع معدلي بالسادس . .
.
مصطفى . اكيد اعرف . صيدله طبعا . نسيتي انه هذا حلمنه اني وياج من واحنه اطفال .
.
نور . من واحنه اطفال . بس كبرت وتغير كل شي حتى حلمي وطموحي . حاليا اني خربجه اعلام . يعني بعيده كل البعد عن الصيدله . حلمي وطموحي صار غير . مصطفى انت متعرف عني شي وجاي تكلي توأمي . لكن لو اني تسألني عن اقل تفصيله تخصك اعرفهه رغم كل البعد الي بيني وبينك بس كل شي اعرف عنك .
شو سكتت . فكر زين شنو الي بقه من الماضي . اني راح اكلك مبقه شي ولا شي مصطفى . اني مو نفسهه الطفله الي حاطهه خلفيه الجهازك . غير...
كل شي اختلف وتغير .
.
مصطفى . افهم من كلامج . انه متريدين تحاجيني بعد .
.
نور . لا ليش بالعكس . بس راح تكون مثل ولد عمي الباقين ..
.
مصطفى . رغم كلامج هذا كله . بس اعرف لسانج يحجي شي وهنا شي ثاني (اشر على قلبي ) فلا تتجاهلين .
.
نور . بقيت صافنه بوجهه . اخذت نفس وجاوبته .
ما اعتقد الك حق تسأل او تعرف بعد شي يخصني . وهسه ممكن تطلع اصلا من الاساس ميصير تدخل غرفتي .
.
مصطفى . ماشي . .. عفتهه وطلعت .
.
نور . من طلع صدك اختنكت شكد حقير جاي هسه يكلي توأمي اوووف منك اوف
.
غسلت وجهي ونزلت . كالو ورة العشا نطلع نفتر .. اني هم سويت اكل خاص الية تعشيت وهمه هم كملو عشا وبدو يبدلون رحت غسلت وبدلت خليت مكياج خفيف كلش طبيعي يعني لبست بنطرون جينز وقميص طويل وشالي لفيته وعباية لبست حذائي ونزلت لكيتهم مكملين و واكفين بالصاله طلع مصطفى من الاستقبال .
.
مصطفى . هاي شنو حتطلعون .
.
الكل .. اي .
.
مصطفى . يا نور تلبسين عباية .
.
نور . اي . (كنت البس عباية بس بوقت الزيارات )
.
مصطفى . ياله حتى اجي وياكم
.
نور .
عفتهم وتمشيت خطوات يم سارة وحجيت وياها بهمس
هاي شنو اخوج راح يجي ويانه .
.
ساره . شتريدين منه .
.
نور . ياله هاهيه شسوي . عشتو
.
طلعنه احنه الكل بيت عماتي وعمومتي و ولدهم ونسوانهم واطفالهم تمشينه الشارع باب المراد ومصطفى ابد معافني لا اني ولا ساره . واذا يصير ازدحام سارة تصير كدامي و هو يمشي ورايه ويخلي ايده بالجوانب ويحجي تعاي منا وتعاي منا . وطبعا اني ابد محجيت ويا ولا جاوبته ع شي . الى ان صارت ساعه ١٢ كالو ياله خل نرجع الجهال تعبو رجعنه للبيت . وصلنه للباب .
.
مصطفى . ساره . تجن ويايه نروح نشتري حلويات وهاي الشغلات .
.
سارة . اي طبعا اجي . امشي نور .
.
نور . روحي انتي اني ما اجي .
.
سارة . حبابه نور امشي . ماروح اذا مو انتي واذا انتي متجين يرجعني
.
نور . ماشي ياله امشي .
.
رحت وياهم . اشترينه حلويات ونساتل . وطبعا هو يختار وين ماكو نستله احبهه . اخذ جبوسه وعصائر سواهن علاكتين كبار .
.
مصطفى . هاج ساره . هاي الجن . وهاي حاخذهه للكل .
.
سارة . يمه فدوة الاخويه .
.
مصطفى . نور تريدين شي .
.
نور . لا شكراً
.
رجعنه للبيت اني بسرعه صعدت للغرفه بدلت لبست تراك اسود وفتحت شعري مشطته ورجعت شديته ذيل ونزلت اني وساره كعدنه بالصاله يمهم . اني كعدت يم الباب مشفت غير واحد ضربني ع رقبتي . باوعت مصطفى .
.
