✍روز علي . . البارت العاشر . . مر الاسبوع بين التحظيرات والتجهيزات وبين التنظيف بين ما طلعت رحت اشتريت فستان الي البسه . اليوم جمعه سارة بنت عمي اجت من الصبح يمي . اني كنت كاعده اجهز بنفسي . ع المرايه . لبست الفستان الي اشتريته . فستان قصير بس مو كلش جوه الركبه . عدل مابي اي شي ردانه للمعصم . لون ماروني سويت شعري باف وفتحته ع طوله . وبقيت انتظر بالغرفه . . سارة . تدرين امي .تجيب وتوصي لحد يكول المصطفى ع خطوبتج انتي وخالو . . نور . ليش لا عادي . واذا كتوله . يبقى هو ابن عمي . . سارة . ماعرف . بس احس مثل كل مره هم يخبث عليج .
نور . هسه عوفج منه . شلون طالعه اني . . سارة . تخبلين والله . هسه تشلي بمكانه الخالو . 😂😂. . نور . اسم الله عليه . . سارة . تحبي ؟؟ . . نور . اعشقه . . سارة . الله يسعدكم . تستاهلين كل الخير . . نور . يوم الالج حبيبتي . . صارت ساعه ٥ ندك الجرص ويه دكت الجرص احس دكات قلبي تزيد . توترت كلش . . بقيت بالغرفه انتظر . . .
زياد . فتحت ويه امي موضوع خطوبتي كلش فرحت خصوصا من كتلهه اني احب نور بنت اخو ابو مصطفى . متوقعت امي هيج تحبهه وتريدهه . مشت الامور مثل مردت . خابرت امي على ام نور واتفقت وياها . واليوم جاين نطلبهه من ابوهه وعمامهه فتنه البيتهم سلمنه وكعدنه احنه بالاستقبال وهنه النسوان كعدن بالهول امي وامهه . واختي جنان رحبو بينه سولفنه شويه و اخويه فتح الموضوع وطلبهه من ابوهه . وافقو والحمد لله . اخوتي بسرعه ترخصو وطلعو لان واحد زوجته عدهه ولاده . والثاني .يريد يسافر موعد طيارته . بقيت اني كاعد وابوهه وعمامهه . . شويه واجن امي وامهه وجنان
الحجيه حنان . ام نور . متصيحيلنه العروسه نشوفهه . . ام نور . اي من عيوني . .
نور . بقيت كاعده انتظر بالغرفه الى ان صاحتلي امي . نزلت لكيتهه واكفه بدايه الدرج . . ام نور . اني راح افوت وانتي وساره جيبو العصير وجيبو الشغلات الباقيه . . نور . ماشي ماما . . اخذت الصينيه وساره هم شالت ويايه وفتت للغرفه
طبيت للاستقبال واني شايله الصينيه اني وساره قدمت الهم وسلمت ع الحجيه وع عمه جنان وكعدت يم امي . وسارة اجت كعدت يمي . طول الكعده هو يباوع عليه وينزل عيونه ميكدر يطول لان ابويه كاعد كدامه . . زياد . اول مره اشوفهه بدون حجاب ايه من الجمال . . خصوصا شعرهه صدمني متوقعته هيج ابد . . اموت ع الشعر الطويل . نقطه ضعفي . كعدت كدامي . وامنيتي طول الكعده اباوع عليهه بس وين اكدر . من وره ابوهه وعمامهه اباوع شويه وارجع انزل عيني . بقينه نسولف ونحجي اتفقنه ع كل شي واتففنه ع يوم العقد . كتلهم الاحد اريد المهر . حاولو يسوو الخميس اني الي رفضت لان بعد ما اتحمل اريدهه قريبه مني . اتفقنه يوم الاحد العصر يكون العقد . بقينه كاعدين شويه وراها ترخصنه وطلعنه .. . . نور . طول الكعده كنت احس عمه جنان مرت عمو لؤي ضايجه مني وحتى من سلمت عليهه مو مثل كل مره من وره خشمهه جاوبتني ... طلعو بعد متفقنه ع كل شي . اجه عليه بابا حظني وباركلي . وسارة صارت تهوس وتصفك وتركص وتجرجر بيه . بقيت كاعده يم بيت عمو الى ان راحو . لكن ساره بقت اتفقت وياها متروح اله يوم الاحد لو الاثنين . . صعدت للغرفه بدلت . بديت امسح بالمكياج اتصل هو . فتحت خط بس محجيت . . زياد . اروح فدوة هيج خجلانه مني ومتحجين . . نور . لا ليش . . زياد . شطالعه اليوم . جمالج صدمني والله وشعرج موتني اني وكاعد كل شويه اكول بعد ما اتحمل ارح اكوم اشتمه كدام الكل . . نور . ههههههه . . زياد . تضحكين مو واني قلبي مفرفح عليج . . نور . بقينه نسولف ونضحك ونشاقه ودخلنه ويانه ع الخط ساره . صارت لمه كلش حلوة . بس ضحك . . ثاني يوم . رحت للسوك اني واجتي ويانه اخته الكبيرة . وسارة وامي . رحنه اشترينه ملابس العقد والشال والصينيه وشتريت كم شغله وياهن . واشتريت حلقه . الذهب الباقي كالو هو مشتري . . كملنه تجهيزات ورجعنه للبيت . سارة بلشت تسوي بالكوشه . واني بديت احظر ..
باجر من الصبح اروح للصالون لان العصر العقد فيادوب الحك .كملت تحظيرات ورحت اساعد سارة بالكوشه . امي عزمت الكل بيت جدي .اهل امي كلهم . وابويه بلغ اهله كلهم . ثاني يوم من الصبح كعدنه . كالعاده اسوي عصير الخضروات واخذ ساعه او ساعتين رياضه . كملت سبحت ونزلت تريكت وبدلت وطلعنه اني وساره احمد وصلنه . للصالون . بلشت بينه اول مفتنه .
تقريب ساعه ٣ خلصت كل شي . سويت شعري بالفير . و لبست فستان ابيض وبي ذهب مال مهر
Oops! Bu görüntü içerik kurallarımıza uymuyor. Yayımlamaya devam etmek için görüntüyü kaldırmayı ya da başka bir görüntü yüklemeyi deneyin.
ولبست الكب كملت خابرنه احمد كال اني قريب عليكم وصل يم الصالون دز مسج كال طلعو طلعنه صعدنه بالسياره و رجعنه للبيت . لكينه الحظور كلهم موجودين . بقيت اني كاعده بالصاله . مسمعت غير حس الصايح . طب مصطفى للبيت يعيط ويصيح . ويغلط اجه عليه . .
مصطفى . نزلت من الغرفه شفت امي دتبدل وتجهز بنفسهه . هي وابويه . ها وين . لؤي . بابا شنو انت متجي . . مصطفى .غير اعرف وين . . لؤي . اليوم العقد مال خالك . مصطفى . شو محد.كالي شنو القصه اني اعلمه . شنو قابل غريب عليه ومياخذني بالمشيه . . ام مصطفى . وبنت عمك نور . . مصطفى . شبيهه نور . . ام مصطفى . خالك خطب نور بنت عمك . . مصطفى . يا خال يا بنت عم . (بصايح) . . لوي . خالك زياد . وبنت عمك نور . اليوم المهر مالتهم شنو مدتفتهم . . مصطفى . والله احرك والدي اذا ياخذهه . مو بكيفه . . لؤي . شنو مو بكيفه احترم نفسك . . مصطفى . لا شو ما احترم . واريد اشوف كو**** يتقرب عليهه . . صعدت ركض غيرت ملابسي ونزلت تلكتني امي . . ام مصطفى . يمه برضايه عليك مو هيج يمه لا تسوي مشاكل . عيوني انت حبيبي عوف السالفه ابوس ايدك . . مصطفى . وحق الله . هسه اذا مرحتي ع اخوج وتخلي يبطل والقران . بيدي اقتلهه الهه . واخلي موتهه بسببه . وطبني مرض خل ادخل سجن . . ام مصطفى . وهي شنو ذنبهه . . مصطفى . اني كتلج . روحي ع اخوج هسه خل يبطل . (بصايح) . . عفتهم وطلعت صعدت سيارتي وتوجهت البيت عمي . وصلت بيتهم هوسه طبيت لكيتهه كاعده بالصاله . رحت عليهه جريتهه من ايدهه .
كومي لج . كومي نزعي هاي الهدوم ياله (بصايح) . . نور . بقيت صافنه عليه هذا شبي تخبل رسمي . عيونه و وجهه صايرات دم من الاعصاب . حتى خفت احجي شي . او اكول شي . وهو يجرجر بيه وامي تصيح عليه وابويه يصيح عليه . والعالم كلهه صافنه . . مصطفى . والله والله اذا هسه مبطلتي اكلب هذا الفرح عزا . اني كتلكم . . نور . جنت واكفه بس احس جسمي ولا قطرة دم بي من الخوف . مرعوبه . اباوع ع الكل يصيحون ومصطفى يصيح اجه احمد يجر بمصطفى . ومصطفى مجلب بأيدي ويصيح امشي صعدي . بهاللحظه طب زياد للبيت . واني متصنمه بمكاني ودموعي تجري . . ✍روز علي .
