NANAY TATAY
Kanina pa ‘ko bumubuntong hininga rito. Wala kasing teacher na pumasok sa ‘min ngayon. Kahit isa.
“Xyion! Sali ka?” pag-aaya ni Star, kaibigan ko.
At dahil wala naman akong ginagawa, pumayag ako. “Anue bang gagawen?” tamad na tamad kong ani.
“Nanay tatay daw. Kapag nagkamali, truth or dare,” anito na halatang excited.
“Sige na nga,” agad kong pagpayag nang mapansin kong kasali rin si Hakob, crush ko.
“Yieee! Excited na ‘ko!” saad ni Star na mukhang may binabalak.
Pinanlisikan ko siya. Tinawanan niya lang ako.
Apat kaming maglalaro. Si Star saka si Kerk na jowa niya. Ako naman na si Xyion at si Hakob.
“One two three, game na!” galak na sambit ni Star.
“Nanay tatay gusto kong–”
“Pamangkin!” sigaw ni Star.
Pinagpatuloy ni Kerk, “Ate Kuya gusto kong lalaki,”
Pinagpatuloy ni Hakob, “Lahat ng gusto ko ay susundin mo, ang magkamali ay...” Bumulong siya sa tenga ko, “Hahalikan ko..”
Napakurap ako. Ha?
Nagbilang si Star. “Isa! Dalawa! Tatlo–”
“Nagkamali si Xyion!” sambit ni Kerk at ngumisi.
Ngumisi rin si Star.
Ngumisi rin si Hakob.
What is happening?
Napalabi ako, “Bakit kasi iba yung lyrics? ‘Di naman–”
Pinutol ni Star. “Truth or dare?!”
Inikot ko ang ball eyes ko, “Psh, fine! Dare!” kaagad kong sagot.
“Yakapin mo si Hakob, 10 seconds!” ani Star.
Hindi na ‘ko nagulat. “Edi yayakapin.” Humarap ako kay Hakob. ‘Di ko siya tinignan sa mata at basta-basta ko na lang siya niyakap. Dug dug dug.
Niyakap niya ‘ko pabalik, dahilan para maistatwa ako sa gulat. Bumilis ang tibok ng puso ko.
“Ehem!”
Naiilang na humiwalay ako kay Hakob at naiilang na ngumiti.
“Wait, ako pa,” sambit ni Kerk.
“Ayusin mo lang,” sabi ko sa walang boses.
“Hmm, tawagin mo s‘yang baby, three times,” wika nito na nakangisi.
Nanlaki ang mata ko, “Iba na–”
“Bawal,” pagputol ni Kerk.
Inikot ko ulit ang eye ball ko. “Lagot talaga kayo sa ‘kin!”
“Tse, go na!” ani Star.
Humarap ulit ako kay Hakob at tinitigan siya sa mata. Muli, bumilis ang tibok ng puso ko. “Baby...”
“Yes, baby?” tugon ni Hakob dahilan para magwala lahat ng sistema ko.
“Baby...” bigkas ko ulit.
“Mo ‘ko? Baby din kita,” tugon ni Hakob.
“Baby...” I want you to be mine..
Ngumiti si Hakob at niyakap ako. “Baby, I want you to be mine too,” saad ni Hakob dahilan para magwala na naman ang sistema ko at maistatwa ako. Narinig niya ‘yon? Pft.
“H-Hakob..”
“No. Baby will do,” aniya.
Napangiti ako sa kilig. “Baby.”
“Can you be mine?” tanong ni Hakob.
Niyakap ko siya pabalik. “You can,” sagot ko.
“Landi ampota,” rinig kong ani ni Kerk.
“Love, bawal magmura!” saway ni Star. “Thank us later, sis!”
Napangiti ako lalo. Uwu, friendship goals. Kaibigan talaga ang tulay.
