قيل لي لماذا هذا العنفوان والعناد تعشقين الوحدة والعذاب الأفراح بينكِ وبينها حجاب
قلت هذا ما فعلتة بي الأيام حرمتني حتى من الأحلام بائسة حروفي يائسة كلماتي اتصنع القوى لامحو اهاتي
فأنا الباكية بلا احزان وانا الفارسة بلا عنوان وأنا البركان في غضبي انا الأوجاع في قلبي. وأنا المجروحة من صغري انا الموجوعة لن اصرخ لأني أمرأة بعنفوان
_______________________ كاعدة بالهول بيدي الفون اتصفح بي بملل البيت هدوء لو اشمر ابرة أسمع صوتها وهذا الهدوء عكس الثورة البداخلي
كسر الصمت صوت ديما دنوشة مظل وكت راح يصير المغرب اروح اشوف شسوي عشى هسه هما أكيد على جية
.. اوك اجي وياج اساعدج
.. لالا ابقي كاعدة ادري مالج خلك
ابتسمتلها بجمود ههه ترى مبية شي لاتخافين عليه .. غريب امرج كل هذا الديصير وانتي دمعة موكعت من عينج والله مرات احسدج على هاي قوتج اني لو كنت بمكانج يمكن انصبها مناحة وتالي انذب مستشفى من القهر
.. ههههه لاتحسدني ولا احسدج ويلا امشي انسوي عشى
رحنا للمطبخ كتلها خلي نسوي نواشف بطاطا وطماطة وبذنجان واكو كبة هم نگليها لان محد يحب الأكل الثگيل باليل
وكفت على الطباخ اگلي وديما كعدت تسوي مقبلات
سمعنا صوت سيارات ديما كالت يمكن اجوي مجاوبتها ظليت واكفة بمكاني
صوت هوستهم بالحوش فاتوا للمطبخ جانوا يباعون عليه بقهر جدي بيبي عمامي خالتي ماما بسرعة تركوا المطبخ راحوا للهول
