._ عنفوان أمرأة _
( بقلم بسمة البياتي)
_البارت الواحد الثلاثون _
طلعت من المستشفى رجعت للبيت الكل فرحانين بادم
خو احمد طاير يحير شيجيبله
حبيت اهتمام احمد بيه وخوفة عليه اذا شافني اتوجع يتخبل ويحير بيه
خالتي هواي ساعدتني بأدم لان جنت بعدني ما اعرفلة
ادم صار روحها من الدنيا
بديت استعيد صحتي رجعت ادرس التهيت بين ادم والدراسة لان هالسنة قدمت خارجي ومبقة على الأمتحان النهائي غير شهرين
اكثر المواد ضبطتهن لان خطية مؤمل هواي ساعدني
حتى احمد مرات يكعد يدرسني
ادومي بدا ينشنش فدوة العينة نسخة من أبو ممأخذ مني اي شي هههههه
احمد من يروح للدوام يظل كل نص ساعة يتصل يسأل على آدم
لوبيده ولا يفاركة
صار عمره شهرين وبدت الأمتحانات
هلكت هاي الفترة ادم متعلق بيه بالكوة يخليني افتح كتاب
لوما خالة تساعدني ولاجنت حكدر امتحن
الحد ما كملت هلكت
زينب ومثنى مشاكلهم كثرت وكل يوم والثاني تجي على جدو تشكي من مثنى اتكول متغير عليه ليل ونهار طالع ومن يرجع ميعوف التلفون من أيده
واذا احجي ويا واسألة ليش تتأخر لو ويامن دتتراسل يشبعني كتل
ومصروف مينطيني شغلة بس اله
يادوب يجيبلي مسواك البيت
ومن احتاج شي واكولة يكولي منين اجيبلج معندي
صادق... مشاكلكم حلوها بينكم اني ما ادخل
... عمي فدوة احجي ويا هو يسمع منك خايفة لايطلع مصاحب وينهجم بيتي
... قابل هو طفل واحجي ويا رجعي البيتج واسكتي ولاتنتظرين مني اي مساعدة
دانية.. ههههههه ظلت تبجي وتتوسل بالكوة جدو قبل يحجي ويا
ومن سألة ليش هامل بيتك ومرتك
انت مو جاي تشتغل وين تودي الفلوس مرتك اتكول مايصرف عليه
مثنى گلب الدنيا يكول جذابة اذا مو اني لعد منو يصرف على الببت
يابة هي مزهكتني بعيشتي تريد بس أكابلها واكعد
جدو ضاج منهم كاللهم روحوا تعاركوا ابيتكم مناقص دوختكم
مثنى اخذ زينب وراحوا
طلعت النتائج جنت مرعوبة
احمد بالبداية هبطني كالي رأسبة جيت اوكع من طولي
من شاف شكلي ضحك وكال شبيج راح تموتين لاتخافين ناجحة ومعدلج 72
ياي مصدكت حضنتة وكمت ابجي الحمدلله مراح تعبي ابلاش
باليل كاعدة انفتح موضوع التقديم للكلية ردت قانون احمد مقبل
. دانية انسي هالكلية مال اخليج تروحين قانون من سابع المستحيلات
جدو وبيبي حاولوا يقنعوا مقبل جان قافل
