مساء العسل حبايبي
حبيت ادردش وياكم بخصوص القصة واوضحلكم بعض الأمور
يمكن هسه كثير منكم يستغرب من اسم الرواية يكول ليش سميتها عنفوان أمرأة وهي بالأخير قدمت تنازلات ورضت تبقة ويا أحمد رغم كل السوا بيها
أولاً معنى العنفوان هو القوة او الشدة
دانية رغم كل الظروف المرت بيها بقت قوية
من احمد بطلها من دوامها هجرتة اكثر من ثلاث سنوات وهما عايشين بنفس البيت
احمد حاول يراضيها بكل الطرق هي بقت مصممة على قرارهاهذا تصرفها دليل على قوتها
اكثر النساء من يزعلن
رغم حجم المشكلة والاهانة والضرب بهدية وكلمة حلوة يرضن وهذا واقع حاللكن دانية ظلت قوية ومضعفت امام كلامة المعسول ومتقشمرت بكلمة احبج
ومن رجعتلة رجعت بشروطها واهم شرط تكمل دراستها
هسه اتكولون بس هي تنازلت عن دوامها
.. اي صح تنازلت لكن مو علمود احمد تركت دوامها الخاطر طفلها
دانية رغم عنادها عدها قلب كبير وحنون متحملت تشوف دموع ابنهامن تركت دوامها كان هذا قرارها مو احمد فرضة عليها
اكيد ترجعون وتكولون هو رجع شك بيها وضربها وهي هم تنازلت ورجعت
اذا تجون على الحق احمد حقة بالسوا احنا عايشين بمجتمع شرقي
الرجال الشرقي هذا طبعة انسان غيور وشكوكياي واحد بمكانة يتصرف نفس تصرفة واكثر
رجال لكه عد زوجتة معايدة على شكل قلب بيها خاطرة غرامية ومكتوب اسم ابن عمه وحرف من اسم زوجتة ووياها وردة
يعني شتريدون يكعد بهدوء يسألها ويتقبل الموضوع ويكولها عادي حبيبتي اتصير باحسن العائلاتوبعد فترة من راضاها رجعتلة بسهولة لان هسه وضعها يختلف عن قبل
عدها طفل لازم تفكر بي قبل لاتفكر بنفسها ولازم تقدم تنازلات حتى تستمر حياتها وتعيش مرتاحةاني اشوف دانية فعلاً انسانة قوية والدليل كدرت تخلي احمد العنيد هايم بحبها ومستقتل عليها
والها مني كل الأحترامالمقدمة النزلتها بداية القصة كل حرف بيها كان يوصف حال دانية
قيل لي
لماذا هذا العنفوان والعناد
تعشقين الوحدة والعذاب
الأفراح بينكِ وبينها حجابقلت
هذا ما فعلتة بي الأيام
حرمتني حتى من الأحلام
بائسة حروفي يائسة كلماتي
اتصنع القوى لامحو اهاتيفأنا الباكية بلا احزان
انا الفارسة بلا عنوان
أنا البركان في غضبي
انا الأوجاع في قلبي.
أنا المجروحة من صغري
انا الموجوعة لن اصرخ لأني أمرأة بعنفوان__________
حبايب قلبي انتظروني بقصة جديدة وأكيد مختلفة عن باقي قصصي خلال يومين انشر المشهد ومن ارتب وضعي واتفرغ ابدي بتنزيل البارتات
الرواية بعنوان ( بنات الغجرية)
اعرف بيكم استغربتوا من العنوان هههههههه
لكن ثقوا من تقرون القصة راح تعرفون شنو سبب تسميتها بهذا الأسمموضوعها شوية حساس بس القصة جداً حلوة واني عن نفسي حبيتها ان شاء الله تعجبكم
بالنهاية احب اشششششكركم على كلامكم الراقي والعسل مثلكم تعليقاتكم كلها اقرأها وافتخر لان عندي هيجي متابعات ومتابعين راقيين مثلكم احبكم جداً
تحياتي بسمة البياتي