_ عنفوان أمرأة _
( بقلم بسمة البياتي)
_البارت الثامن عشر _
من وكفت السيارة باوعت من الشباك سيارة احمد بالباب يعني جاي اووووف تعبت من احمد ومشاكلة شحيفضها اليوم ويااااا..
فتنا للبيت احمد بهالبرد كاعد بالحديقة يشرب أرگيلة
من شفتة عرفت مفول من العصبية
زوج عمتي راح يمه يسلم عليه اني فتت جوة بسرعة
تلكني بتول وتمارا سلمت عليهن
بتول همست باذني نصيحة ابقي كاعدة يم بيبي اليوم احمد يسويج تكة ويشويج
.. ادري اخوج شيريد مني مو عفتة لويش مجاي يستوعب هالكلام
عفتها ودخلت للهول بحجة تعبانة خليت عبايتي على كتفي وكعدت
بيبي بغرفتها جدو وعمو عامر مموجودين بس مثنى وحيدر كاعدين
عمتي وزوجها سلموا وراحوا
بتول وتمارا كعدن يفتحن بالعلاليك يشوفن شجايبيلهن
اجة الغضب وكف كدامي ونتر
.. انتي منو سمحلج تطلعين اني مو كايييييلج باب الحوش متوصلي
وفاء... ترى زودتها البنية طلعت ويا امك وبيبيتك مطالعة ويا أحد غريب شنو تستنكف اذا اخذناها ويانة
... يوووم الخاطر ربج لا طلعيلج سالفة اني مو كتلج ما اقبل تطلع ليشششش متسمعون الكلام
.. اجت بيبي من غرفتها
كالت اني اخذتها عندك كلمة تعال احجيها كدامي
شنو تالي عمري لازم اخذ اذنك اذا اريد اطلع وحدة بيهن
اني ولدي من اخذ نسوانهم مافديوم واحد بيهم سألني وين ماخذتهن لو ليش طلعتيهن
تالي وكت تجي انت تحاسبني
... يمه اني ممحاسبج من البداية كتلكم مرتييييي ما اقبل تطلع اي مكان
... على هاي حجايتك وحق الحق شوكت مايعجبني اخذها واطلع واريد كلب ابن كلب يحاسبها
دانية... احمد صار نار من غلطت عليه بيبي بس ميكدر يجاوب
بيبي كالت كومي بدلي شكو كاعدة واريد رجال يمد ايده عليج
...اي طلعي عينها مو هي ناقصة استهتار
... كمت وكفت توني اريد امشي عثرت بطراف عبايتي ردت انجبح على وجهي
جنت دايخة زادت الدوخة عندي
حيدر والبنات ظلوا يضحكون عليه
احمد كدامي فتت من يما لزمني من زندي جرني عليه
همس لاعبالج افوتها ألج بس هسه سكتت الخاطر بيبي اذا مشوفتج النجوم بعز الظهر اني مو احمد
دفع ايدي الكاع افترت بيه وبعد محسيت بشي
حسيت بضربات خفيفة على خدي ومي ينرش على وجهي
