_ عنفوان أمرأة _
( بقلم بسمة البياتي)
_البارت الثاني عشر _
كاعدة ويا ديما بالحديقة الكأبة صاعدة عندي خايفة من النتائج صح مجاوبة بس هم اكو خوف بگلبي
والمصيبة الأكبر مظل شي للعرس وكلما يقترب الموعد اموت من الخوف والقهر
مؤمل.. شبيجن يالبومات منو مأكل عشاجن
.. اكرمني بسكوتك رجاءاً ترى روحي واصلة الخشمي
... كومي اخذيلج راشدي هو انتي يايوم ما روحج واصلة الخشمج ومدلغمة
ديما.. بعد كم يوم النتائج وخايفين
... لعد حقكم كسرتوا خاطري
يلا اني رايح يم مهند للمحل محتاجات شي واذا ممحتاجات بعد احسن
دانية ... مؤلي الحلو شنو رايك اطلعنا نفتر وتكسب بينا اجر
مؤمل... خايبة ليش مطيرين اكولها اريد اولي للمحل اتكولي طلعنا
.... فدوة طلعنا والله ضايجات يلا حباب
... اودعناكم افلت احسنلي
... لا لا فدووة ادري بيك انت حباب ولطيف
ووردة مراح ترفض
... اني لا حباب ولا شي ضايجة خابري خطيبج يطلعج شكو جاية عليه
... هوو وينة خطيبي لو تطلع نخلة براسي ميطلعني
يلا الله عليك حباب حباب بليييييز يا ابن عمي الحلو صاك العشيرة ومعذب قلوب بناتها
... اي اي بعد تلوكي بلكي اقتنع زين وين تريدون اخذكم
... اي مكان مول مطعم وشوية نفتر و ناكل موطا ونرجع
... ششششششنو واني كاعد على بنك اوديكم مطعم ومول
... خررررب يابة بالعباس على حسابي اني اعشيك وحتى فلوس السيارة احنا ندفعهن بسسسسسس طلعنا من طلعت روحك
... اذا هيجي اوك يلا روحوا تحظروا وجيبوا رضاوي وياكم
... اني وديما كمنا على السريع
ديما.... لج اوكفي غير نستاذن اول مرة والله انتي اذا طلعتي بدون علم احمد يشنقج
... انتي روحي استاذني من خالة واني رايحة البيبي
.. دخلت الغرفة بيبي كاعدة تقرأ قرآن من شافتني صدقت
... رايدة شي
... اي حلومة ضايجة اريد اطلع ويا ديما ومؤمل ومرتضى نفتر شوية
... واشو جاي تكوليلي روحي خابري رجلج وستاذني منه
... منين اخابرة هو حتى تلفون ميقبل اشتري انطيني موبايلج
اخذتة اتصلت على جدو
من كال الو حجيت بسرعة كتلة قبل لاتكعد تتغزل ترى اني دانية مو حليمة
... وشعندج مخابرتني لأزم مسويتلج مصيبة
