"ولن نتوب عن احلامنا مهما كثرت انكساراتنا"
علي صار بوجهي
اضلمت الدنيا بعيني ياربي عماد ليروح يحجيله
انداريت عالسريع فتحت الباب و صعدت للسياره سديت الباب
ضليت اتنفس سريع شهد تسولف واني صافنه كبل و نفسي يصعد و ينزل سريع
- لاررا كاعده احاجيج
- شهد باعي يمنى شوفي منو
- عززه لج هذا شجابه كبل شويه طلعت مجان موجود شوكت اجه
- مادري شهد مادري تسأليني الي وين عماد اريد اروح
- اصبري هسه يجي لتخافين اذا حاول يروح عليه نسوي فلم عسه نتخربط بالسياره المهم منخليهم يحجون
هيه تحجي و اني اذاني صوفرت من الخوف احس الجو صار نار اريد بس نروح منا
اجه عماد صعد سلم ع شهد ديحرك الكير باوع عليه
- شبيج حبيبي ليش وجهج اصفر
جاوبته امتمت
- ماكو شي حبيبي بس دخت اضاهر كلبت معدتي كد ما افترينا بالسياره عفيه رجعني
لزم ايدي باسها
- سلامتج عمري هسه ارجعكم
اسمع شهد ورايه تحجي بصوت ناصي
- دخيلك ربي
حرك السياره عماد ديلوف علي صار بوجهنا
عينه نار صارت يخنزر حسيته يريد يهجم عالسياره
داس عماد و طلعنا من ساحه المدرسه نزلنا عالشارع و مشينا
هنا يله بديت احس برجلي و ايدي جانن ما شايلاتني
وصلنا شهد نزلت فاتت من يم جامتي تسلم عليه بايدها و وجهها بلا تعابير
YOU ARE READING
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
