نجحت في سطحيتي مع الجميع بإستثنائك إخترت التعمق. ❣
سديت الموبايل ويه عماد واني اجر انفاس طويله من فرحتي
انداريت دا اطلع من الغرفه
لكيت مصطفى واكف بالباب و صافن ع وضعيتي
رجعت خطوه من جفلتي كتله
- خرعتني من شوكت واكف انت
- جيت اصيحج الكل دتريدج تجين دنطك صور الميلاد
- اي اي جايه يله
مشيت دا اطلع فتت من يمه كلي
- تحبي ؟
ضليت اباوع كدامي و واكفه بمكاني رجع كلي
- مجاوبتي ؟
- اي احبه مو بس احبه روحي معلكه بي
ضل صافن ع جكارته
- مصطفى ياريت تقتنع بلي بين ايدك وتحافظ عليه لتخسر الاول والتالي
كبل خسرتني علمودها هسه هيه وياك وانت بالك يم غيرها ارضه بنصيبك كافي تخسر
عفته ورجعت للحفله كعدت يم البنات
مرته تباوع عالباب و تباوع عليه شافت مصطفى رجع كعد يمها صارت نار
كلت لاختي
- يله حبيبتي لازم نرجع
- لارا حبابه خليني والله ضايجه من كعده البيت
- ميخالف حبيبتي عماد اذا يعرف طولنا بالكعده يكلب الدنيا ع راسي خلي نرجع
DU LIEST GERADE
حكايتي مع الرجال
Romantikالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
