في عقيدة الحب أنت أجمل حظ إبتليت به .
اندار عماد شافني دا اجي وذاك صافن عليه
فتح عينه يخنزر ع مصطفى عيونه تجدح حراره
سرعت بخطواتي لحد ماوصلت يمهم
اباوع عليهم و كلبي احسه حيطلع من مكانه من دكاته
- حبيبي
- شطلعج بره
بعدني ما حاجيه
- اني مو كلت لتتحركين من مكانج
مصطفى : هدي نفسك حجي هاي تبقه بت خالتي
عماد : انت اسكت احسن ما اطلع ضيم الله بيك
مصطفى : شبي زوجج اعصابه مامتحملته
عماد : لتحاجيها باوع عليه اني لو ممتعود تحجي ويه زلم
طبيت بنصهم
- كااافي كافي احنه بعرس فضحتونا
عماد جرني حيل رجعني وراه
- اسبقيتي عالسياره ولتدخلين مره ثانيه
- عماد كافي لتكبرها الله يخليك
باوعت ع مصطفى كتله عالسريع
- ادخل للقاعه رجاءا خالتي دتنتضرك
باوع عليه مصطفى بنظره عتب كانو
راد يوكف كلبي خفت عماد يضربه رجعت كتله بعصبيه
- ادخل جوه اترجاااك
عافنا وفات
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
