حكايتي مع الرجال

النهاية ❤️

التغيير صعب في البداية، وفوضوي في المنتصف،
ورائع في النهاية 🤍✨

وره كم يوم خلصت شغل جبت غده ويايه رجعت للبيت

فتحت الباب اسمع هيلين جوه تحجي

- هسه ماما ترجع و نتغده... البيت يخبل ... ننتظرك بابا شوكت تجينا ؟

!!!!!!!

شمرت العلاليك من ايدي ركضت عليها جريت الموبايل سديته

هيه رجعت ليوره خافت مني

- كتيله ع مكانه ؟؟؟ هيلين احجي كتيلةةةةة ؟

- ماما مو قصدي والله

- شنو لتعيطين حتموتيني انتي كم مره كايلتلج لتخابري لتخابررري
رح يعرف مكانه

- لتعيطين ماما دتخوفيني والله ماقصد

- وين اصرفه هالحجي تعرفين ابوج هذا شنووووو شسويتيي

كعدت ع صفحه كلبي لزمني من الوجع كلت رحت بيها

جتي هيلين يمي تمسد ع راسي

- ماكتله شي بس كتله احنه بمكان عالبحر و حجيتله ع بيتنا ماما والله ماحجيت شي

- يعني ماعرف عنوانه .. مادزيتله اللوكيشن بالموبايل ؟

- لا والله ماكلت

ضميت راسي بايدي من الهبطه