ماقيل بالأعين لا ينسى .
اني سمعت عياطهم فقدت ابجي و احجي
- عمااااااد لا عماد خليني اشوفهااا الله يخليك خليني احاجيها
اترجاك دخلها محتاجه احجي وياها لتاذيني هيج
بداعت بتنا الله يخليك لتحرمني من هالشي ابوس ايدك عماد
شهد سمعتها كامت تحاجي بهدوء
- مرح تخسر شي اذا خليتني احاجيها حخطفها مثلا؟ احنه ببيتك عيب تطردني
اني رجعت صحت : عماد بداعت اغلى شي
دقيقتين و سمعت صوت رجلينات و مفتاح ديفتح باب غرفتي
عبالي حيدخل يضربني رجعت ليورا فتح الباب لكيته هو و شهد وراه
اول ماشافتني كمزت حضنتي اني هم حضنتها كمت اضم راسي بجتفها و ابجي مانتبهت عماد شوكت عافنا و نزل جوه
كعدت يمي تلزم وجهي
- ليش هيج ضعفانه و ذبلانه شمسوين بيج هالمتخلفين احجي لارا انتي ضعفانه كلش عيونج ذبلانه ماذيج هالحقير ضاربج ؟
- ما طخني من رجعنا ليهسه حته بعيني مدا يباوع عبالك كرهني
- لعد شسوه ؟
- هذا الي مخليني كأبه و تعبانه لا هو مسويلي شي ولا هو راجعلي ولا هو عايفني ماعرف شيريد
YOU ARE READING
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
