ردة فعل

الفصل الاول

يوم التنزيل 13 فبراير ,2020
13_2
مصادف يوم اربعاء
للذكرى
جالسة نصف جلسة   وقدماي على الصوبة تتدفئ و اسمع لرياض احمد سالفة صمت واخط اول كلمات القصة

،سوف يتم نشر الفصل الاول كإعلان للقصة بعد الامتحانات الي تبدي ٢٢ بالشهر يتم تنزيل الفصل الثاني ومن ثمَ نستمر معكم بهذه القصة ، قصة اشتهي قربك تم تأجيلها لنقصها ويبقى إعلانها  موجود الى أن بالي يصفى لها الى أجل غير مسمى ...

اسماء اصحاب القصة مستعارة و اعمالهم ايضا لكن محل اقامتهم سوف يظل غامض لأن لا استطيع البوح به  بطلب من اصحاب القصة او وضع مستعار لكوني مللت من نسب اصحاب القصة للمحافظات التي زرتها فقط لعدم معرفتي بالبقية ،
اتمنى لكم اوقات ممتعة مع قصتنا التي ليست بطويلة
هي قصة اجتماعية بحتة خالية من المبالغة او التشويق بطريقة مبالغة او الغموض مثل ما يفضلها البعض و نهايات الفصول  لا اعتقد ستكون بقفلة مميتة كالعادة لكون القصة هادئة تتحدث عن ثغرات صغيرة تتحول الى مشكلة تواجه أبطالنا، وهي من بريد رسائلي و تعرفت على بطلتنا قارئة شغوفة معنا فراعوا تواجدها ، اوعدكم سوف تعجبكم غير مملة ثقوا بذوقي ♡

_______________1______________

يقال أن  الزوج هو قائد العائلة ربما كنت اثق بذلك في ما مضى ، فيما بعد  لم اعد أومن  بذلك عندما  تزوجت و خشنت نعومة اظافري بحكنة الايام ،تدبرت  الايام ارسالها الي؛
فالمسؤولية  تكبر على عاتقي يوم بعد يوم وامسيت أنا القائد، يقال ينبغي على القائد المتبصر ان يكون قادراً عند كل خطوة من خطواته على تصور رد الفعل المقابل ، ربما لم يكن نظري بهذا القوة !

"ميساء عبد الكريم حاتم "

انذكر اسمي وزارتني أبتسامة بين غيض زميلاتي وزملائي من الحظ الي ما كعد وياهم،
اخذت الورقة الي سحبوها من بين الاسماء بالقرعة وطلع  اسمي الثاني بالسلفة الي قررنا نسويها بينا
حيل ارتاحيت من طلع اسمي الثاني .
اخذت جنطتي و طلعت اتمشى للبارك الي بالجهة الخلفية من المصرف

خابرت  ريحانة
- ماما اشوكت تجين متت جوع

-حبيبي بالاول مرحبا ماما قبل الكلام

وصلني تأفافها من خلال التليفون
- مرحبا ماما اشوكت تجين تأخرتي ؟

-اليوم أستلام الرواتب

- اييي واخيرا راح تشترين الي العدسات الي ردتهم

اجيت اكول الحقيقة وأن اعيونها هي اجمل عيون ما تحتاج بس تذكرت ضجرها من كلامي اذا يخالف رغبتها لجأت للاختصار
-جاية ماما وراح اجيب غدة جاهز وياي

-عفية مندي

-تمام ماما

وصلت للبارك وطلبت الغدة  وانطيت عنوان بيتنا واني ادور حتى اطلع للشارع
اتصل بيه عمر