ردة فعل

الفصل الثالث

مساء الورد
ردة فعل
من كتابات زهراء العراقية

______________3_____________
وفي حق ذاتك كن كريم النفس قيمها وزنها جيدا لا احد غيرك يفرض احتياجاتها ، لا تغرق ببحر التضحية ربما ترى فيما بعد كم كنت ساذج!، ولا تغدقها كرماً يفيضها على حساب من حولك كن عادلاً ومنصفاً فأنت وحدك القاضي.
- شكلة مو مريح مديركم
گال عمر هذي الجملة بين ما هو سحب مني السويج
اتغاضيت عن عبارته بسؤال

-ما جاي بسيارتك حبيبي ؟

- لا

سمعتها واني اكعد يمه و طلع بيه للبيت

للعصر طلب مني نودي الاولاد لبيت جدهم مدام باجر جمعة صغيت لأمرة واخذهم هو وداهم لأهلي ورجع الي

بفراشي ما بيه حيل نص الليل  واريد يغمض جفني مدا اكدر انسى ابتسامة المدير ااه اشكد كرهني بعملي من الله لا يوفقه متزوجة وما خلصانه منه هسة شعاجبة بيه مرة مزوجة وثكيلة ما منطيته ريگ حلو وها منى صغيرة و حلوة وخفيفة سريعة التنسيق هي الي تودد اله و هو ما ادري شنو من وجه منطيها ، ليش لازك الي لو هذا حظي رغبة بيه ،
غمضت بمحاولة للنوم فتحت و كلت لنفسي
"توء اوف خاف الاشاعات تتجاوز حدها اشلون شسوي اكول لعمر
لا لا  ميساء ، اشبيج تخبلتي اكيد لا ، زين شسوي ياربي تعبت من الكلام الي بدأ يطلع ، اكول  لمنو لعد ؟

-ميسة تعالي
التفتت عليه
-ها حبيبي ما نمت
-تعالي حبيبتي، ليش تتحركين وحدج
،ورجلج يمج ،تعالي  ادفيج

حطيت راسي على صدره و كلت بصوت ينطق هم وخوف
- مدا اكدر انام
عمر نيمني
ظل يفرك بكفي الايمن يعرف ارتاح بهاي الحركة عندي عملية سابقة بيها
شفته يزفر نفسة بتنهيدة واضح عليها كثرة التفكير
- عمر! ، بيك شي حبيبي
- افكر
-بيمن ؟
-بيج
- اها!
-افكر اشلون عايشة ومتحملة
بدون رجال تقريبا
رفعت راسي وكلت اله بستنكار
- شنو هذا الكلام حبيبي انت تارس حياتي
-انت مرة حديدية ، ماكو منج ميسة
غيرج تلعب بذيلها و تذل رجلها
رائد ويانا قبل ايام جابو طاري عرضه
مطشر و مرته وبناته سكط
- اوووه
-لاعبين لعب وريحتهم طالعه
- وهو شنو موقفة
-مكضيها شرب و ك....
-شفت هو مرخص عرض خلق الله والله رخص عرضة
الرجال هو الي يصون بيته و يراعيه لو خايف الله بيهم  ومراعيها لمرته  ما كان تخونه

باس خدي  وما علق على كلامي
- انت ماكو منج المرة الصالحة رزق
-مممم
- كون الله يحفظج الي
-ويخليك الي حبيبي هاي كون كل يوم تسمع هيج اخبار  حتى اسمع هذا الكلام الطيب  هههههه
-الله يستر على عباده
ولا يبلي احد
-تعبانة حبيبي
كلتها بهمس ذابل
-ام ريحانة  انت تدللي تاج راسي و عزيزة گلبي متحملتني اني وعصبيتي و تقصيري

حطيته هو جواي و وجهي على وجه

-يعني تعرف اكو تقصير يا عيني ليش من تجي ما تعاوني