ردة فعل

مقطع تشويقي

شكو شبيك جايني هيج وكت ترة عيب والله عيب كدام الجيران

-ميساء تخبلتي انت تخبلتي
عفتلج البيت و كلشي حتى حضرة جنابج تزوجين واحد اسمه وسيم ؟

- عمر ترة انت اخر واحد يحقله يسألني
بعدين تعال اهنا ما تكول  عيب

-احجي لا تخبليني صدك الحجي الي سمعته ومنو هذا وسيم نفسة المدير احجي نفسة مديركم ؟

رفعت اله حاجبي  ورديت بقساوة  جمعتها من عمري الي فات

-اي عندك مانع

- اشلون
ولج انت جبرتيني اطلك جبر
ليش هيج اسوين بيه
شنو ذنبي
انت اشلون  هيج عندج قابلية ، تاخذين بيتي مني  واولادي و  و تردين تزوجين واحد جنتِ تشكين منه
شنو غزله حلالج لو انت

-اش و لا كلمه ما اسمح الك
اطلع برة و هسة اخابر ابويه يشوفلي حل وياك

- اذا خنتيني يا ميساء ردة فعلي والله ما محسوبة  وكلشي يرجع الي لا والله صدك افاجئج بردة فعل ما محسوبة ببالج

مقطع  تشويقي من احداث متقدمة من ردة فعل

طبعا القصة قصيرة فأني على راحتي امزمز بيها  ما اريدها تخلص بسرعه خليتها مرتين بالاسبوع حتى لا افرغ منها بسرعة واظل عطالة بطالة ههههههه
ها صدك تصويتكم للقصة كلش بالنازل مقارنة لعدد القراء ترة اني كاتبة متطلبة😂 واريد حب وحنان و تصويت وتفاعل حتى اشجع  صوتو على الاجزاء النازلة والقادمة لا ازعل ببيت اهلي ما احب الاهمال☻