مساء الحب
ردة فعل
من كتابات زهراء العراقية
______________6_______________
آنة
المستاحش
المتعوب
البعيد
الغريب
التايه بلا راي
طلعنا لمحافظتنا واني ما فهمت ليش عمر الي اخذنا !
سألته اول ما طلعنا من بابهم جاوبني بعصبية كدامهم
- اصعدي !
وهسة وجه ما يتفسر اذا بناته سولفن بينهن يسكتهن
وصلنا وثاني يوم رجع لدوامه ،
وسألته بوقت ثاني كال حصلت نزلة سريعة وصلتكم بيها ليش اكلف ايهم!
،
والغريب على اساس راس الشهر يسوي عزومه يعزم بيها ربعة ما سمعته عزم ايهم ولااجه ؟
سألت رحمة كالت :اني اجيت أسالج بينهم شي زلمنا ؟ شو ما اشوف تواصل بينهم هليام؟
طلعت هي هم ملاحظة وما تدري السبب مثلي
______________عمر______________
كعدت محتار اشلون افتح باب للموضوع
حسيت بتردد ، بس خوفي من انها توكعني بمشكلة خلاني اجي وانوي ابلغ اخوها
أيهم
- احجي احجي عمر ترة اعرف بالموضوع اني
استغربت وتوترت اكثر
- تعرف؟
-بخصوص اختي
-!
القلق تبدل بالاستغراب و التعجب ملى ملامحي
ضيكت اعيوني واني احاول افهم
- سولفت الك؟
-اي سولفت الي و حيل ضجت من تصرفها واحرجني كلش
اشلون تقحمك هيج
-بشنو تقحمني ؟
سألته ما فاهم شي هو ظن اني اكله ماكو اي بمشكلة بمخابرة اخته الي وتدخلني بهيج موضوع ، طلعت سابقتني ومتلاحكه نفسها و مسولفه اله على اول اتصال بينا من طلبت مساعده مني و اعذر من اتصالها
- ايهم ترة الشغلة مو قصة تدخلني وبس بس الاتصال
حسيت بتردد كبير
وهو كمل عني
-صحيح اتصالها غلط حاسبتها عليه بس هي هالاخت عدنا ومريضة
لا اكدر اعاتبها اكثر ولا حتى اعلي صوتي
مريضة صرع ضحية طليقها الله لايراوي خير
كنت اريد ابلغ مو قصة اتصال واحد ولازم يدير باله عليها اكثر هي صغيره
بس حيل استصعبتها اولا صاحبي
ثانيا طلعت مريضة ومطلقة وهي صغيرة
- لا ما ضجت منها اخيتك وخايفه عليك
بس كلت ابلغك بأتصالها افضل
انت بشرنا اشلونها البورصة وياك ؟
- راح اسحب رصيدي الشهر الجاي
ظلينا نسولف بالنص ساعة و اخذت مرتي ورجعت قللت اتصالاتي وقللت من عمق علاقتي بيه بهاي الفترة ،
حسيت عرف وحس بالسالفة كلها و احرجته واثنينا بموقف محرج هاي اذا
احساسي صح
،
بعد يومين اتصلت وطلعت هي تشكرتني لأن مجبت طاري لأخوها ،
أنت تقرأ
ردة فعل
ChickLitتجاوزتك ببرود كما يتجاوز الجندي جثث زملائه في الحرب، لزهراء العراقية مكتملة
