Túan – (too-wan)
- tawag-paggalang sa binatang na may mataas na katayuan sa mga lipon ng mga Maharlika
- maaring anak na lalaki ng Lakan o Pinunong hindi sakop ng monarkiya
Wahad – isa sa tatlong Sinaunang lahing nanirahan sa Alterra na pinaniniwalaang nagmula sa karatig na lupaing nasira dahil sa pagsabog ng mga bulkan
- Nagkakaisang Lipi na binubuo ng siyam na tribo
- kilala sila sa kanilang galing sa pakikipaglaban, pangangaso, pagsasaka at pakikidigma
Baylan – babaeng may natatanging kakahayahan o sumailalim sa mga pagsasanay upang makipag-usap sa mga Bathala
Bathala – grupo ng mga makapangyarihan at immortal na nilalang na nakatira sa Kalangitan
- tawag sa labing-isang diyos at diyosa ng Alterra
Lakan – titulo ng katas-taasang pinuno ng Nagkakaisang Lipi ng Wahad
- warlord
- sa kaugalian ng Wahad, ang pinakamakapangyarihan, pinakamaimpluwensiya at may pinakamalakas na kakayahan sa pakikidigma ang itinatalaga ng mga Lipi upang maging Lakan, nakakamit sa pamamagitan ng paglalaban-laban ng mga kinatawan ng siyam na Lipi ng Wahad
Dáyan – (da-yan, katunog ng bayan)
- tawag-paggalang sa dalaga o babaeng may mataas na katayuan sa lipunan sa hanay ng mga Maharlika
- titulong katumbas ng Túan
Ginoo – tawag-paggalang sa mga lalaki
- maaring gamitin bilang tanda ng paggalang kung hindi alam ng isang tao ang katayuan ng kaniyang kausap
Binibini – tawag-paggalang sa mga dalaga
- katumbas ng Ginoo
Punong Baylan – ang 'Hinirang ng Kalangitan' na namumuno sa mga Babaylan
- ang Baylan na may pinakamalakas na kapangyarihang espiritwal at kinikilala ng tatlong Sinaunang Angkan bilang kinatawan ng mga Bathala
Babaylan – samahan ng mga Baylan
- hindi kabilang sa mga Punong Angkan, subalit may malaking impluwensiya sa lipunan at sa mga pinuno ng mga pangkat
- nahahati sa mga sektang may kani-kaniyang Templo
Rani – titulo ng reyna ng kaharian o monarkiya gaya ng Alfur
- ang pagiging Rani ay namamana lamang ng mga Dugong-bughaw
Ra – titulo ng hari ng isang kaharian o monarkiya gaya ng Alfur
- Katumbas ng Rani
Alfur – isang tagong kaharian na matatagpuan sa sanlupain na nasa hilagang-kanlurang bahagi ng Alterra
- napapaligiran ng mga kagubatan, kabundukan at ng makapangyarihang Balani o salamangka kaya walang taga-labas ang maaring makapasok rito
Alv – ang pinakamapayapang pangkat sa tatlong Sinaunang lahi sa Alterra na may mga kakatwang katangian at anyong naiiba sa Wahad at Tao. Mapusyaw ang buhok at maputla ang balat.
- pinaniniwalaang nanggaling sila isang maliit na lupain sa kabilang panig ng mundo na lumubog sa ilalim ng dagat
- pinaniniwalaang marami silang tinatagong lihim na ritwal, Balani o salamangka na galing pa sa kanilang mga ninuno sa kanilang lupaing pinagmulan
Panginoon – tawag-paggalang sa Lakan, Pinuno, Ra, Túan, Ladya o sinumang may mataas na antas ng katayuan sa hanay ng mga Maharlika at Dugong-bughaw
- panlalaki
Paladin – mga lalaking may natatanging kapangyarihan o kakayahan sa pakikipaglaban na napili upang maging tagapagtanggol at kanang-kamay ng isang Baylan habang siya ay nabubuhay
Balani – salamangka, mahika, pambihirang kakayahan o kapangyarihan na sinasabing Kaloob ng mga Bathala (taglay na sapul sa kapanganakan) o bunga ng mga ritwal at gayuma
Pinuno – tawag-paggalang sa Kasangguni (pinunong pinili sa pamamagitan ng paghalal) ng mga Tao
- pangulo, presidente
Tao – ang pinakamatanda at pinakaunang lahing nanirahan sa Alterra
- kilala sa kanilang talino at pagiging malikhain
- may pinakamalaking populasyon sa Alterra
Sinauna – tawag sa tatlong pinakamatandang lahi sa Alterra—ang Wahad, Alv at Tao
Zi dingir kia kanpa! – mula sa wikang Wadd na ang ibig sabihin ay "Bathala ng Lupa, inyong alalahanin!" bilang papuri sa Bathala ng apoy, bulkan at pag-ani na si Lalahon
Bathaluman – sugo ng mga Bathala, taguri kay Yesha; ang pinakauna at pinakamakapangyarihang Baylan na naging dahilan upang magkaisa ang mga Sinaunang naninirahan sa Alterra
Hadon (Wahad), Alev (Alv), Terin (Tao) – Tatlong Sinaunang Tagapagtatag ng Alterra
Punong Angkan – labimpitong angkan na bumubuo sa Sandugo
- binubuo ng siyam na tribong Wahad, ang Unang Mag-anak at ang Sangay na Mag-anak na Dugong-bughaw ng Alfur, at anim na Maharlikang pangkat ng Tao
Ladya – lalaking anak ng Ra/Rani o miyembro ng Sangay na Mag-anak ng mga Dugong-bughaw ng isang kaharian, gaya ng Alfur
- katumbas ng prinsipe
Hara – babaeng anak ng Ra / Rani o miyembro ng Sangay na Mag-anak ng mga Dugong-bughaw ng isang kaharian, gaya ng Alfur
- katumbas ng prinsesa
Kamahalan – tawag-paggalang sa mga Dugong-bughaw ng Alfur
BINABASA MO ANG
Alterra
FantasyBumaligtad ang buong mundo ni Shion nang maging tauhan siya sa misteryosong librong binabasa niya. Makakabalik pa kaya siya, o habang buhay na siyang magiging parte ng Alterra?