Ang League of Angels ay samahan ng mga bayaning tinangkilik natin noong mga nakakaraang taon. At ngayong 2020 ay malugod kong binubuksan ang kanilang pahina upang lumipad at harapin ang mga bagong pag subok na parating sa kanilang tadhana. Muli nat...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Ang Tadhana ni Narding 3
League Of Angels
Season 4
AiTenshi
Feb 22, 2020
Part 110: Huling Hapunan
NARDING POV
Nag iba ang kulay ng kalawakan, namula ito lalo na noong lumabas ang katawan ni Alpha na halos iba ang anyo. Sagrado ang kanyang katawan, naka suot ng puti at gintong kalasag. Kapansin pansin rin ang malaking pag babago sa kanyang mukha na halos mukha na itong makina na mayroong isang liwanag sa gitna. Ang kanyang katawan ay hugis tao pa rin at nag mumula dito ang pinaka malakas na pwersang nag papahina sa aming mga tuhod. Batid namin na hindi na magiging patas ang laban at mahihirapan kami sa pag kakataong ito.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Kahit naka distansiya kami sa kanya ay ramdam pa rin namin na delikado ang sitwasyon. Lalo na noong lumapag ito sa aming harapan sa ilang dipang distansiya. Sa kanyang likuran ay ang dambuhalang lotus na nag bubuga ng kakaibang alikabok na kaaya ayang pag masdan ngunit ang nadidikitan ng mga alikabok na iyon ay nadudurog at nagiging abo katulad ng mga bato sa paligid.
"Ito ang aking sagradong anyo. Ngayon ay taglay ng aking katawan ang pinaka malakas na sagradong sandata sa buong kalawakan at walang kahit na anong sandata ang maaaring makatalo sa aking taglay na lakas. Minsan lamang bumaba ang Diyos sa kalawakan at sa pag kakataong ito ay masasabi kong espesyal kayong lima dahil tatapusin ko kayo gamit ang aking banal na porma." ang wika niya sabay kumpas sa kanyang kamay at mula dito ay umangat ang maliit na lotus sa ere, nag liliwanag ang mga ito at nag lalabas ng malakas na pwersa.
"Iyan ang nakatala sa kasulatan na natagpuan ni Kapitan Juho sa loob buwan. Ang mga bulaklak na iyan ang ginamit niya upang wasakin ang kanilang planetang Xeno planeta. Ayon sa kasulatan ay umulan ng bulaklak sa planeta at sinira nito ang lahat." ang wika ni Jorel.
