في الصباح الباكر ..
كانت تجلس الفتيات ومعاذ يتناولون وجبة الإفطار في جو يسوده المرح
تحدث معاذ بمرح قائلا
"مين هيقوم يعمل حاجة نشربها بعد الفطار "
أجابت جاسمن بتذمر
"انا لو قومت عملت حاجه نشربها يبقي اكيد هنروح كلنا العناية المركزة "
نظرت لهم علياء وهي تبتسم ببرود قائلة
" انا مبحبش ادخل المطبخ "
نظرت كارمن لهم وعلمت أنهم يتهربون قائلة "وانت عارفني ممكن اولع في البيت لو دخلت اجيب كوباية ميه"
نظر لهم معاذ بغيظ وهو يتحرك من علي الطاولة ..
"أفهم من كدا اني لازم اقوم اعمل حاجه نشربها وأنكم مش هتعملوا حاجه حسبي الله ونعم الوكيل انا لو كنت خدام مكنتش أدخل المطبخ كل شويه كدا بخته اسود الـ هيتجوزك انتي وهي وهي
تحدثت علياء بأستنكار مردفة
"ليه يعني دا احنا ملايكة "
دلف معاذ للمطبخ وهو يتمتم ببعض الكلمات الغير مفهومة وبدأ في تحضير القهوة لهم جميعاً ولكنه توقف للحظات يفكر بتأكيد إحداهن لا تحب القهوة إذن ليسأل ما هو المشروب المفضل لديهم
أخرج رأسه من باب المطبخ وهو يسأل ..
"مين بيشرب قهوة ومين بيشرب نسكافية ؟!
تحدثت علياء وهي تعبث بهاتفها
"انا عايزه نسكافية "
نظرت له جاسمين باستفزاز وهي تقول..
"و انا كمان عايزة نسكافية "
أبتسمت له كارمن بحنان وهي تجيب
" انا عايزة قهوة سكر زياده "
نظر لهم معاذ بسخرية وأردف
"انزل الحساب علي الترابيزة ولا اخليها عليا "
علت صوت ضحكاتهم وأجابت جاسمين بمزاح
"خليها عليك طبعا "
جز معاذ علي أسنانه بغيظ منهم ومن ثم عاد إلي المطبخ ليكمل ما يفعله ..
"ماشي انا هوريكي انتي وهي بس اخلص وهاجي انفضكم يا شوية عرر "
ادمعت عين جاسمين من الضحك عندما رأت ملامح معاذ المغتاظة ونبرته التهديدية كانت ستعلق علياء علي حديث معاذ ولكن قاطعها صوت رنين هاتفها وقفت من مقعدها قائلة ..
"أنا هطلع البلكونة وجاية"
اومأت كلا من جاسمين وكارمن وخرجت علياء لتجيب علي المكالمة ..
تحدثت علياء بسخرية ..
"اي يا آيات كل دا مش بتسألي ما صدقتي تريحي دماغك أنا عارفة وبذات وسي طائف معاكي الدنيا وردي ! "
أجابت آيات بسخط من حماقه صديقتها فهي تفتح المكبر والثلاث شباب يقفون بجانبها
"تعرفي تبطلي هبل وتقولي بتعملي اي دلوقتي في اي حركة مش طبيعية حد رن عليهم تاني معاذ سأل عن بيتر ولا لاء ؟!
تحدثت علياء بملل ..
"لاء متكلمتش عن بيتر بس حاسة أنه يعرف عن المهمة وعن هدفنا تجاه بيتر !
أنت تقرأ
بنات المخابرات
Paranormalثلاث فتيات مستعدين للتضحية بأرواحهم للدفاع عن الوطن ولكن هل يقف في طريقهم عقبة لا يستطيعون تخطيها ! بنات المخابرات بقلمي/Menna esam
