حب العملاء ❤وسط الانتقام🚔تأليف "سماح"(مكتملة)

part4

سلام البنات سمحولي لانو طولت بزاف علبالك تخلطولي الأفكار نتمنى فولط على الحلقة
الصورة☝️☝️

صباح جديد وأحداث جديدة
ناضت بطلتنا الصباح لقاتها9:30 تاففت وناضت لبست لبسة سبور فطرت وخرجت ركبت طوموبيلتها شرات حلويات ديراكت للميتم( ماريانا دايما تروح للميتم تمضي النهار مع لولاد تم لأنو دائما من تروح وتشوف لولاد يلعبو تحس براحة)
حبست توال باب الميتم ونزلت دخلت للميتم تشوف فلولاد يلعبو تبسمت وحدها شافها طفل صغير راح يجري ليها
الصغير: طاطا جيتي توحثتك بذاففف نزلت على ركبتها وحضناتو
ماريانا: ههه جيت وجبتلكم حلوى وشكولا لي تحبوها
غير قاتلو هكداك ناض يجري لولاد لي تم يحكي
الصغير: ياااي طاطا جات وثابتلنا شكولا
سمعوه جاو يجريو ليا ويعنقو ويبوسو ههههه
ماري: هيا اوقفو بدور نعطيلكم شيكولا وقفو بدور وأنا جبدت الصاشي ونوزع عليهم وزعت عليهم كامل ولي نعطيه يشكرني( متربيين هههههه)
دخلت للمديرة للبيرو نتاعها غير شافتني ناضت تسلم وتحضن هدا كامل على جال الدراهم تبسمت على جنب وقعدت
المديرة: أنسة ماريانا cv
ماري: امم cvجيت لولاد نشوفهم قبل من سافر
المديرة: هذا من لطفك
ماري: ايه كاش ماتحتاجي بيناتنا تلفون وجبدتلها شاك وحطيتولها فوق البيرو غير حطيتو خطفاتو من يدي تشوف فيه طلعت راسها تشوف فيا وتحكي
المديرة: شكرا بزااف أنسة على تبرعاتك للميتم نتاعنا
ماري: راكي غالطة أنا تبرعت على جال لولاد لي في لميتم وأذا سمعت أنك ماكش تصرفي فيهم عليهم وتقدميلهم احتياجاتهم رح تلقايني في طريقك وأكيد انتي تعرفي واش نقدر ندير تبسمتلعا وناضت بلا ماتسمع منها واش رح تقول وهي في طريق تخبط في واحد طاحولو كامل الاوراق شافت فيه راجل كبير في العمر شعرو ابيض ومع كل هدا شاد روحو غير اللبسة نتاعو تسوى الملاير فطنت تشوف في الباديغارد قربو ليه ومبعد شافو فيا وهو يشوف فيا وفي ملامحي كأنو يشبه فيا زربت نزلت نجمع فيهم جمعتهم ووقفت تبسمت نحكي
ماري: عمو سمحلي مكاش قصدي تبسم وقال: لا يابنتي مكانش مشكلة
قعدت مركزة معاه كأني شايفاتو من قبل مي وين
الراجل: هه كأنك تعرفيني؟؟
ماري: اه ايه قصدي لالا وراحت وهو عينو عليها يحكي معا روحو( حتى أنا مشبهك زعما تكون هي ولا أنا الغالط)قاطعو لبديغارد يحكي
البديغارد: مسيو نمشي
الراجل: ايه هيا
خرجت من الميتم تشوف طوموبيلات كامل الاسود والرجال تم واقفين لابسين لباس الرسمي تبسمت على جنب نحكي: ايه ياماري أكيد شايفاتيه في مقابلة ولا جريدة لأنو الظاهر الراجل بفلوسو ولا لاه الحراسة عليه مشددة قاطعها صوت تلفونها شافت الجينرال نفخت ورفدت عليه
ماري: الو
محمد: ماري علاه ماكش في المركز
ماري: لاه كاين حاجة مهمة؟
محمد: ايه شريكك سي أمير هنا
تبسمت نحكي : نص ساعة نكون عندك
محمد: اوكي وقطع الاتصال ركبت في طوموبيل نص ساعة كانت تم نزلت ودخلت كامل لي تم يشوفو فيها لانو ماش متعودة تجي بلبسة سبور كما هك وهي ماهمها والو( لبنات لي تم كامل لابسين لمعري كتر من لمغطي هي لوحيدة لمختلفة عليهم وكعبات تاني لي يخدمو معها) تلقات مع أياد رايح للبيرو نتع جينيرال سلمت عليه وطلعو مع بعض قاطع إياد الصمت
إياد : اليوم عطلة لاه عيطلنا
ماري: كون نلقا نخنقو بففف
إياد: ههه هدي روحك يابنتي رح تطرطقي
ماري: هاني هادية لوكان ماشي هادية مرانيش لهنا
إياد: هههه
دخلو للبيرو مع بعض يحكو ويضحكو ضاربين دنيا بكوبتي ماهمهم في والو ضربت يدها بيدو 🖐وتلفتت للجينرال تحكي : اووه علبالك عندي غير ليوم عطلة