ولات مشات للجهة لاخرى تشوف في لوحات حتى لمحت لوحة ألوانها الرمادية والأسود ورسمتها لخيالية تذكرت هديك المراة قاطعها صوت واحد يحكي
- مدام تحوسي على شي
سيفدا نزلت لكسكيطة وقاتلو: اممم نحوس نشري هدي
- مدام أنتي محظوظة لانو هادي أروع لوحة للفنان***** ومكانش لوحة كيفها وهاد الأصلية وتاني هاي فيها توقيعو شافت فيها وقاتلو
سيفدا: ايه صح غلفها ووين ندفع
- من هنيك 👈
سيفدا : اوكي
راحت سيفدا دفعت حقها وهداك غلفهالها وجابها حكمت كتبت ورقة ولصقتها في الغلاف وقاتلو
سيفدا : ايه شفت المرأة لي تم
- ايه
سيفدا : اعطيهالها هدية مني
- هاد من حسن لطفك ايه واش نقلها
سيفدا : شي فاعلة خير سلام راحت وخلاتو
اما هو راح لهديك السيدة
- مدام تفضلي
عائشة: أنا
- ايه
عائشة: ياوليدي مطلبت شي
- نعرف اما السيدة لي لهيك قاتلي اعطيهالها
عائشة: تعرف اسمها نحوس نشكرها
- لا قاتلي فاعلة خير
عائشة تعجبت ورفدتها من عندو من جات خارجة لمحتها دايرة كاسكيطة وجها ماش باين مي شعرها الأصفر طويل باين والاكسسوارة لي تلمع من بعيد في الشمس تعجبت شكون هادي لبنية لي عطاتهالها وماأخذت مقابل قاطعها شيفور
- مدام هاتي عليك
عائشة: ايه هاك عطاتهالو وركبت وهو تاني وديراكت للقصر لعمراني بعد مدة وصلت نزلت وشوفور نزل لوحة ودخلها قعدت في الصالون ووهداك حطهالها فوق الطابلة وراح شافت فيها ومنبعد فتحتها غير فتحتها عينيها ولاو قلوبة وتحلو صفاحي رسمة الفنان المشهور ***** وتوقيعو ورسمة مطابقة على ديكور القصر تبسمت جات ترفدها طاحت ورقة نزلت رفدتها مكتوب فيها " سمحيلي لانو سمعت حديثك بالغلط .. هاد اللوحة حلوة لاكن رح تكون حلوة أكثر لما تحطيها على حيطان الدار سلام '
عائشة: مزالو كاينين بنات كما هك نعمة التربية ... قاطعها آدم
آدم: لعجوز وينك
عائشة: واش قتلك على كلمة لعجوز ياآدم
آدم: ههه راح سلم على راسها
- واش قصة هادي الفرحة اه
عائشة: شوف ياولدي
وحطتلو لورقة في يدو يقرا وماش فاهم ومبعد شاف اللوحة وتبسم
آدم: شنو هاد
عائشة: كنت في المعرض اليوم كنت نحوس على لوحة نلصقها في التركينة لهيك مي ملقيتش لمناسبة من كنت خارجة عطاولهالي وقالولي عطاتهالك لي لهيك مي كما شفتها لقيتها دايرة كاسكيطة عليها مشفتهاش غير قال هكدا جات في بالو هديك لي ضربتلو طوموبيلو تبسم ومبعد تم تم رجع لعقلو
آدم: ايه يالعجوز أكيد وحدة من معجبيني هههه
عائشة ضرباتو لكتفو: عندك وجه صحيح وتقول معجبيني روح روح لخدمتك روح وعيطت لرئيس الخدم
عائشة: علق هاد اللوحة لهيك 👈
- اوك مدام
أما آدم خرج رايح لشركة من جا حيركب لقا الشوفور يعيطلو: مسو آدم ...ميو آدم..
آدم تلفت ليه: واش
- مسيو الطوموبيل لما ديتها للمصلح السيارات لقاو
آدم: وش لقاو
جبد الشوفور من جيبو الكرة وعطاها لآدم رفدها آدم يشوف فيها ( الكرة هاد في زجاج مي صلبة وشفافة ومن الداخل مكتوب حرف S بالأسود لوكا يرموها على راسك يطرطق وهي ماتطرطق 😂)
آدم : امم روح لخدمتك وقاعد يشوف فيها
آدم: S
وركب في طوموبيلتو وراح لشركة
*****
ليوم درت 3حلقات في نهار واحد نتمنى تعطوني رايكم فيها وفي ظهور ابطال جدد في قصتنا وادعولي والله محتاجة دعواتكم لانو نمر بأوقات سيئة جداااااا ادعولي خياتي الله يستركم
نتلاقاو لعشية ان شاء الله فبارت جديد
أنت تقرأ
حب العملاء ❤وسط الانتقام🚔تأليف "سماح"(مكتملة)
Actionقد تعطيك الحياة خيبات ....قد يتولد الألم .....قد تصبح حياتك محصورة بآلام الماضي ...وتتحرر فقط بالانتقام ....ولكن لابد ان لا تنسى كيف تعيش وانت في طريقك للانتقام .....لابد ان لا تنسى كيف تحب وتضحك وتأسس حياة .....ولا ان تنسى معدنك سواء رجل او بنت...
