أمير كان فطموبيل وشارد يخمم انو يقول لآدم على سالم وانو ممكن تجي سيفدا بصح تراجع خايف تكون تزوجت ولا تبدلت الحالة ويزيد على خوه مالا قرر يسكت حتى يشوفها ويعرف وش صرا
روح لدار وين لقى امو تبوس فيه وتحضن وهو كي العادة بارد معاها وهدى تشوف فيهم كفاه يتصرفو وتعوج في فمها مش عاجبها الحال
عائشة:علاه مقتليش بلي رايح
أمير:من وقتاه نخبرك وين نروح ولا نجي نورمالمو راكي تعودتي على طبيعتي
عائشة:متعودتش ومنيش رح نتعود قلبي محروق عليكم نتوما من كنتم صغار ياما غلطتو ونسامحكم بصح انا غلطت مرة وندمت وطلبت سماح 5سنين ولا واحد قدر يسامحني
أمير:راكي مسامحة مي منقدرش نرجع كيف كنت بالنسبة ليا قتلتيني وكي تقتلي عبد تبقى غير الذكريات
آدم:انا نروح
عائشة :آدم ياولدي شوف فيا علاه درت لحياتك هك ارجع عيش معايا
آدم دار روحو مش يسمع وخرج بلامايحكي حتى كلمة وعائشة طاحت تبكي وتعيط أمير غمز هدى تهديها وهو طلع لفوق
هدى:خالتي عيشك اهداي
عائشة:شايفة كفاه ولاو منيش قادرة نتحمل خايفة نموت وانا منيش قادرة نرجع ولادي لحضني
هدى:متخافيش خالتي رح يرجعو نوعدك
عائشة جات تنوض حكتها دوخة شدتها وطلعتها لشمبرتها
هدى:خالتي نديك لطبيب وجهك ميطمنش
عائشة :لايابنتي راني مليحة وغدوة عندي رونديفو فالسبيطار ونشوف ضغطي
هدى:اوك ارتاحي خالتو خلاتها وخرجت وقفت عند لباب
هدى:اممم غدوة تروحي لسبيطار وانا رح نرجع الاحساس لآدم رح نلعبو معاه مقلب صغيير نخوفوه على امو
آدم لي خرج من لباب تكى عليه صعيبة عليه يشوف امو هك ويحب يحضنها ويكون معاها مي غير يتفكر وش دارت ينسحب مسح على وجهو وراح للاوتال
الجماعة راحو للاوتال وكل واحد دا جناح سيفدا وماري مع بعض وهيثم وسام مع بعض ولولاد مع سيفدا وماري بالصدفة كان الاوتال للاخوة العمراني مي منتبهوش لانو الحجر كان من رجال الجنرال
طلعو لشمبرة يرتاحو وحتى الاولاد تعبانين ماري بقات تشوف مع تاقة شوي وهي تتفكر فواش سافت فالمطار وممبعد نفضت افكارها وراحت ترتاح لعشية عندها عملية ولازم تكون مركزة ملييح علجال عمها واختها
في المساء:
سيفدا سبقت ماري والكل باش تشوف باباها غير طلعت لجناح لي محطوط فيه باباها تشوف في واحد عند لباب غير قربت عرفاتو همست :أميير
أمير حس بالحركة وراه مع لي دار قابلاتو مشى جيهتها وهي راحت جيهتو وحضنو بعض بالسكات
أمير: علاه درتي هكدا ..علاش هدو سنين كامل ..هكدا ديري نسيتي صديقك وكلش هكدا ياسيفدا
سيفدا:الظروف تجبرنا
بعد عليها وشدها من كتافها
أمير:راكي مليحة امورك مليحة
سيفدا:اممم مليحة وانت
للحظة تفكر ماري مجاوبش على سؤالها وهي فهماتو وتمنات تقلو الحقيقة مي مقدرتش
كان رح يسقسيها على حياتها وزواجها حتى خرج طبيب
-آنسة رسلان
غير قالها هك أمير تفاجئ يسمى بدلت اسمها علبيها آدم ملقاهاش لز على قبضتو وسكت يسمع فهدرة الدكتور
سيفدا:بابا كفاه حالتو
-آنسة رسلان الوالد حالتو استقرت دك مي لازملو عملية فالقريب لعاجل لانو عروق قلبو مش رح يتحملو والدم مش يلحق
سيفدا:وكاين امل ؟
-جاا وفد امريكي ودكتورة ايفا اوستن المشهورة رح تتكفل بهدا الشي ولي معروف انو هي شاطرة
أمير غير سمع اوستن جا فبالو جاسر وحس بشعور غريب وتفكر انو قالو ماماه طبيبة زعما تكون امو وشنو هاد الصدف الغريبة
سيفدا:وي نعرف جات معايا وعندي ثقة فيها وشافت فأمير نظرة مفهمهاش وعاودت دارت لطبيب :نقدرو نشوفوه؟
-عندكم ربع ساعة لانو رح يجي لوفد ويلاشر الاجراءات فورا
دخلت سيفدا الي غير شافت باباها راحت تجري ليه وهو كان فاقد الوعي كانت تبكي وهي تشوف فيه لانو ديما كان قوي ويحميها ودك شافتو ضعييف مقدرتش ..امير كان يشوف فيها وقلبو يتقطع عليها ومخو تلخبط خااايف يعرف آدم ويلومو وزيد مزال معرفش على حياتها اي شي وزيد صحة سالم لي فخطر ...تنهد وقرب دار يدو على كتفها
أمير:سيفدا هكدا مش رح تفيديه لازم تقويه بيك يقوى ونعرفك قوية مش سيفدا لي تضعف
سيفدا:راه بابا مي عندك حق مسحت دموعها وهو تبسملها وبقاو يشوفو معاه حتى جااو داوه يديرولو راديو وتحاليل يوجدوه للعملية
ماري راحت لسبيطار وملامحها جامدة لبست حوايجها ودارت كمامتها ونواظر على عينيها كانت حاسة انو رح تتلاقاه غير طلعت لوين حاطينو شافتو مع سيفدا قلبها دق كبست على لورق لي فيدها تهدي فاعصابها وفاتت عليهم بلاماتشوف فيهم سبفدا عرفتها ودارت روحها مشافتش ...اما أمير غير فاتت عليه دخلت ريحتها خشمو وقلبو دق معرفش وش صرالو حتى يشوف فالطبيبة لي تمشي بكل ثقة وكاريزما بقى مثبت عيونو فيها حتى غابت على عينو ودخلت للغرفة :شبيني انا دك اففف
سيفدا:قلت حاجة ؟
أمير:اااه نو نهبط نشم هوا ونجي
حركتلو راسها وهو هبط ...شوي وقت وخرجت ماري تلقى غير سيفدا غير ولات عندها سيفدا شدتها
سيفدا:كفاه قدرتي بعد هاد سنين تفوتي عليه كانو ماكان والو
ماري:لازم وصحة عمي اولى دك ..نروح نوجد للعملية
سيفدا:بصح ماري
ماري:ايييفا اياكي تغلطي وحنا هنا
سيفدا:اوك ..رح يكون بخير
ماري:نوعدك انو رح يكون رح يكون بخير ديري ثقة فربي وفيا وادعيلو وادعيلي
سيفدا:ربي معاك عندي ثقة كبيرة فيك
تبسمتلها وحضنتها وراحت ديراكت للفيستيار شافت روحها فلمراية
ماري:لازم تكوني قوية حضورو ميأثرش عليك انتي ايفااا واصلا شاف حياتو ونتي عندك مسؤوليات وعدتي اختك ورح تكوني قدها ايه ايفا اوستن انتي قدها ...غسلت وجهها شافت فروحو دارت كمامتها وخرجت ...ديراكت لغرفة العمليات
أمير كان برا غير حس روحو ريح طلع لقى سيفدا قدام غرفة العمليات
أمير:شحال عندهم من بداو
سيفدا: شي نص ساعة
امير:رح يخرج بالسلامة ان شاء الله
سيفدا:ان شاء الله
قعد جنبها ...بقى مدة كان رح يسقسيها حتى عيط تلفونها شافتو لقاتو هيثم
سيفدا:الو نعم
هيثم:رسلان كلشي بخير دخلوه للعمليات
سيفدا:وي دخلوه
هيثم:اني جاي نحب نكون معاك
سيفدا:لا لازم تبقى مع الاولاد منقدروش نخلوهم وحدهم ..سام جاي فالطريق
أمير غير سمع لولاد وباين تحكي مع راجل الريق نشفلو وجسب بلي تزوجت وولا عندها ولاد غير الفكرة طيحتلو ركايبو فمابالك آدم ...ناض من قدامها مخنوق وهي شافتو عضت لسانها :بففف دك يحسب تزوجت
هيثم:شكون هدا لي يحسب تزوجتي
سيفدا:اااه والو منبعد نحكو ....هبطت تلفون وتشوف فأمير عند التاقة وشارد
بقاو مدة 5سوايع يستناو حتى ولا قريب نص ليل باش كملت لعملية ..امير حاول مع سيفدا تهبط تاكل مي والو وسام لي لحق وشاف امير وهنا امير تحيرت مواجعو اكثر واكثر ومانطق حتى كلمة معاهم ...بقى يستنى معاهم وكتاه تكمل العملية غير كملو خرجت ايفا واليكس والفريق الطبي وكامل راحو يجرو ليهم
ايفا:أليكس تكفل بلموضوع انا نروح
أليكس:اوك
جات فايتة حتى يحبسها أمير
أمير:دكتورة معليش طمنينا على وضع العم سالم
ماري ريق نشفلها ومقدرتش تنطق بحتى كلمة وبقات مهبطة راسها باش ميلمحهاش كان رح يقدم حتى نطق أليكس
أليكس:'العملية كانت ناجحة وبعد ساعات سنتأكد..اما الآن سنأخذ المريض الى غرفة العناية المشددة
كامل فرحو وامير غير دار يشوف فيها لقاها راحت
أمير:غريب امر الطبيبة هدي
بعد ماتأكدو من وضع سالم وانو استقر روحو كل واحد لدارو يرتاحو وغدوة يرجعو الا سيفدا لي كانت مصرة تبقى معاه
فالصباح ناضت ماري قبلهم سلمت على لولاد ووصات هيثم عليهم وخرجت لسبيطار عارفة انو ليوم متقدرش تهرب ..ليوم رح يتلاقو مي كلش مبدل ...طلعت لفوق تلقى اختها راقدة على لكرسي وكانت وحدها تنهدت وراحت فيقتها
ماري:سيفدا فيقي
سيفدا:صباح الخير
ماري:صباح النور
سيفدا:بابا كفاه راه
ماري:بخير قالولي الممرضات حالتو مستقرة بعد شوي يفطن ونرحلوه لغرفة عادية ...دك نوضي جبتلك حوايج بدلي وغسلي روحك وهبطي تقهواي تلقايه فشمبرتو
سيفدا؛ههه درتي حسابي مرسي
ماري:يالله روحي
راحت سيفدا وهي تطمنت على حالة سالم لي ولات مستقرة وداوه لغرفة عادية وجات سيفدا وفرحت بيه ...راحت ماري تشوف فاوراقو والمعاينات وهنا جاااو كامل أمير وسام ودخلو عند سالم
أمير:حمدلله على سلامتك عمو سالم خوفتنا عليك
سالم:هههه هاني رجعتلكم وفرحان انو حولي الناس لي يحبوني كل تلفت عند سيفدا
سالم:وينها ايفا
سيفدا شافت فأمير وتلبكت وامير مفهمش وش تقربلهم وعلاه متلبكين الكل وحتى من سام كان متلبك
سيفدا:ههه اي جاية مع الطاقم
هي قالتها وجاو داخلين
أليكس:حملله على سلامتك حضرة الجنرال
سالم:شكرا
أليكس:حسنا ستأتي الطبيبة المسؤولة وستخبركم بالحالة لسيادتكم
كانو يسمعو فيه وسام وسيفدا يشوف فبعض ولون وجههم يتبدل وهنا أمير دخلو الشك علاه صرالهم هك حتى يسمعو فصوت طالو ...غير طلع راسو فيكسا عينيه مع لباب وتدخل الدكتورة ايفا ...شاف عينيها لانو كانت دايرة كمامة ...غير شاف عينيها ريقو نشف وتشلت حركتو ...اما هي تمشي بكل برود وكاريزما ونطقت
ايفا:حمدلله على السلامة عمي سالم
هنا أمير تأكد من شكوكو مي مقدرش يهدر حس لسانو تقطع ...نفس ضياقلو تكى على الطابلة لي موراه وقلبو يدق بالقاوي ثواني حتى نحااات الكمامة
شافها ايه هي بشحمها ولحمها واقفة قدامو مي حاجة فيها مبدلة شعرها القصير ولا نظرتها لي عرفها بيها من اول مرة كفاه ولات طبيبة وعلااه خلاتو كل هاد الاسئلة بقات في مخو ومقدرش ينطقها ...حاس روحو فحلم ...بقى مركز معاها وهي تهدر حتى انو ملاحظتش وجودو ..كانت تناقش فالطاقم الطبي وسالم وهو كانو مش موجود ...كان حاب يتحرك ويروح ليها يحضنها ويعرف الحقيقة مي رجليه مخدرين كل حاجة فيه مخدرة ومش قادر يتحكم في اي عضو من اعضاؤوو
ايفا:لازم يرتاح ويبعد على التوتر ومطولوش عندو ...نخليكم دك وحمدلله على سلامتو مرة اخرى ...خرجت ومتلفتتش حتى ليه وكانت مستغربة من انو محكاش
ماري:لهدي درجة رجوعي مفرقش عندو ههه مليح
سيفدا وسام كانو متلبكيش يشوفو فامير لونو مخطوف وكانو تشل عينيه مش يرمش فيهم حتى فطنو سالم
سالم:اميير اميير
امير:اه ..شفتو وش شفت يخي مرانيش مهبول
سالم:اهدا أمير نعرف صعيب عليك مي لازم تتفهم الوضع
أمير:هه اصبرو اصبرو يسمى هي مش وحدة تشبهلها ولا قصدكم هدي ماري وانا هنا كي الاطرش فالزفة هكا ..سيفدا احكيي احكووو علاه وش درتلكم انا علاااه راح لسام حكمو من شوميز :علاهه ياساام شفتوني نتعذب ولا واحد كلف روحو يخبرني عللااااه
هبطو روسهم معندهمش جواب وهو كان رح يكسر لحالة مي خاف على سالم ..خرج كي لمهبول ويعيط باسمها فالسبيطار
أمير:ماااااري مااااري ارواحي وينك ماااري علاه درتي فيا هك علاااه
ملقاهاش راح لريسابسيو قالولو هدا وين خرجت راح يجري لقاها راح تركب فالطموبيل مع اليكس جبدها من يدها وهنا تلاقو العيون
.عيون عندها 5سنين متلاقوش انفاس كانت تطلع وتهبط وانفاس توحشت انو تتخلط واخيييرا ولاو يتنفسو فنفس واحد ...كان يشوف فعينيها ودمعة على طرف عينو ..حتى جا أليكس يجري
أليكس:هااي انت ماذا تفعل هل جننت يا أمن تعالو
أمير دار ليه وعطاه بوكس لوجهو حتى طاح :بلع ####فمك
عاود شاف فيها وهي بكل برود بعدت يديه عليه
ايفا:ميسيو تقدر تبعد وشنو هدا الفعل الطايش
أميير:ههه كفاه فعل طايش؟ميسيو ؟علبالك وش تحكي انتي ..ماري وشبيك
ايفا:شكون ماري انا ايفاا
أمير:صح عرفتها يسمى فقدتي ذاكرتك هكا ..قولي بلي صح لانو نعرف بلي محااال تبهدي عليا هاد سنين وتخليني محروق عليك
ايفا:ميسيو أمير العمراني راني فكاامل قوااي العقلية ومتذكرة كلش ودك تقدر تبعد عندي واجب نقوم بيه
أمير كلمة صدمة قليلة عليه متوقعش انو تكون هك انو تكووون حية كانتلو صدمة فمابالك انو حية وتعرف كلش وهي لي سمحت فيه وهو كي الحمار بقى هاد لمدة حازن عليها
أمير:نسالك سؤال برك علاه درتي هك ؟وش استفدتي كي خليتيني معلق كل هاد لمدة ..كي حرقتي قلبي اعطيني سبب يخليك ديري هك
ماري قريب تفقد اعصابها وتترمى فحضنو مي للحظة جاات صورتو مع المراة ولبيبي تحكمت في روحها
ايفا:مع لوقت تعرف انا مشغولة دك
أمير خبط يدو على الطموبيل حتى تفلقت يدو بالدم:مشغولة هاكا تقابليني تعرفي شحال طحتي من عيني دك مستحيييل نسامحك على عملتك ورح تدفعي الثمن غالي ...انتي لعبتي عليا ومش امير لي يلعبو عليه تذكري كلامي ...ايفاا اوستن كملت كدبتك وشفتي هدا واشار على قلبو نكوييه لانو انتي صح متستاهليش ...متوقعتش هكا حركة منك
ماري كانت رح تقلو بلي هو شاف حياتو الا انو دار وخلاها وراااح لانو كااان وجعو اكبر من انو يعبر عليه حبيبتو لي كل يوم يبكي عليها وعلى فراقها طلعت عايشة ولباس عليها وهو استغبااوه للحظة نقم عليهم كلهم واكثرهم ماري ..ماري كانت حابة تروح تجري ليه وتخبرو باسبابها مي محبتش توقف فسعادتو حتى هي شفها وقسملها قلبها حرقوها نظراتو ولا دمعتو كانت حابة تحضنو وتشبع بريحتو مي الظروف كانت اقسى عليهم ..للحظة تذكرت جاسر وتهديد امير لو يعرف رح يديه وتعرف امير وتهديدو ينفذو قلبها رعش من الفكرةة...نوضت اليكس واعتذرت منو وراحت للاوتال تحوس تقول لهيثم ميخرجش جااسر مي ملقاتوووش وملقاتش لولاد
عيطت لهيثم محبش يرفد لعنت روحها ومشات تحوس عليه فالاوتال
***
هدى ناضت صباح ووصلت عايشة لسبيطار وخرجت تعيط لآدم
هدى:آدم
آدم:واش هدا شفتيني فلمنام انتي
هدى:آدم امك داخت وجبناها لسبيطار معلباليش كفاه ندير
آدم:كفاااه اني جااي
كان باين مرعوب حتى انو لبس بلخف وخرج شعرو مفرفش ...هدى تبسمت بخبث ونقزت
هدى:هههه يووو وطحت يا آدم وشفتك خايف على خالتو هي هكاك تحكي مع روحها حتى دخلت في واحد ...طلعت راسها تشوف فيه وهو يشوف فيها مضيق عينيه من بعد صاحو مع بعض
سام:انتي؟
هدى:انت؟
سام:اااه ياربي وش درت في حياتي حتى نقابلك
هدى:اسمع اسمع راني هنا وديجا انا لي منتشرفش نشوفك حضرة الكولونيل
سام:وطوال لسانك يااعمييلة ..وتطورتي وليتي تحكي وحدك
هدى:معندو مدخلك
سام:احترميني تعرفي قدام شكون واقفة
هدى:يسمونا فالحياة العادية مش لخدمة ودك انا نروح
سام قلب عينيه:ااااه هاد طفلة تلعبلي عالمورال
اما هدى كانت تمشي وتخبط فرجليها:اااه متكبر متكبر حابة نخنقو خسارة فيه الكولونيل ازح
ماري رجعت لسبيطار وسيفدا كانت خارجة لانو هيثم مع لولاد ثم .....عائشة كانت خارجة حتى حكمتها دوخة شدوها زوج يدين...غير طلعت راسها قريب اغمى عليها من الصدمة ماري وسيفدا
عائشة:ا.. ااا..ننن...ت..م..
سيفدا غير شافتها تصدمت وتذكرت هدرتها وانو راهي تعاني بسبتها طلقتها وشدتها ماري
شافت فاختها فهمتها وفهمت معاناتها
سيفدا:اني برا
حركتلها راسها وماري دخلتها تفحص فيها
عائشة:هدي انتي ماري
ماري:مدام ارتاحي ضغطك هابط
عائشة:ماري بنتي سامحوني انا ندمانة بصح نحسب متتي كتعرفيش وش صرا في امير بعدك ولا جثة بلاروح
ماري:مدام انا الدكتورة ايفا وكلش كان فالماضي ودك كي راني معاك لانو واجبي الطبي لاغير ...ارتاحي عطيتك ابرة زيدي شوي واخرجي
عائشة:استني يا بنتي
ماري محبتش تسمعها جات خارجة حتى تدخل في واحد غير شافتو تشوكااات وهو مصدوووم
آدم:مااري؟؟
جاسر:مامااااا
ماري حلت عينيها صفاحي وخي تشوف في جاسر داخل من بين آدم ولحرف تاع لباب
آدم:ماما؟؟
شاف آدم الطفل وهنا كانت صدمتو نفس الطفل لي بعثولو امير وزيد الشبه الكبير بينو وبين امير
عائشة:شافت فالطفل وحطت يدها على فمها:أمير
ماري زربت هزت جاسر وخرجت بيه
أنت تقرأ
حب العملاء ❤وسط الانتقام🚔تأليف "سماح"(مكتملة)
Actionقد تعطيك الحياة خيبات ....قد يتولد الألم .....قد تصبح حياتك محصورة بآلام الماضي ...وتتحرر فقط بالانتقام ....ولكن لابد ان لا تنسى كيف تعيش وانت في طريقك للانتقام .....لابد ان لا تنسى كيف تحب وتضحك وتأسس حياة .....ولا ان تنسى معدنك سواء رجل او بنت...
