في الجزائر
إياد بعد ماودع ماريانا عيطلو الجنرال قالو أرواح للمركز خرج ديراكت رايح للمركز نزل تلفت لقا سيلين نازلة من الموطو لابسة سروال جين مقطع وتريكو بيض قصير وكونفارس بيضة لابسة كاسكيطة وشعرها دايرتلو كوتشفال نزلت دارت الكيت وزادت في الفوليم ودخلت ولا يغلي مجرد تفكير انو رجال كامل يشوفوها لبسة هكدا جنون يدورو بيه هو ميحبهاش وميحبش تكون لحد غيرو ولايشوف فيها واحد غيرو حاجة فيه تجذبو ليها تبعها يمشي وراها وهي دندن وماش حاسة بيه شوي هك عيطلها حمزة
رفدت
- اهلا اهلا حمزة
حمزة: اهلا واش cv
- صفا لحمدالله وأنت واش أحوالك ووو
حمزة: راه نفس الهدرة نتع....
جايكمل قاطعاتو سيلين
- نت حبيبي وكلش في حياتي نتا خطيبي وراجلي وهداك صديق نخدم معاه برك ياروحي
حمزة: هههههههههه جبتيها سوا سوا غير هيا تستعطف فيا بصوتها زعما رح تبكي
- ههه الله غالب مانيش تع مشاعر هههههههه
حمزة: مسحقك لقيت شوي معلومات والكونت وأنتي بدورك تبيراطيه
- يااااي دك راني في المركز اعطيني لعنوان وأنا نجي
حمزة: لا انا نجي ليك تكملي تلقايني برا نستنى فيك
غلقت عليه جات تكمل ماتحس غير بيد جبدتها ودخلتها للبيرو ولصقها في الحيط ظهرها تكسر شافت شكون متوقعتش أنو يكون هو شكلو يخوف عينيه حمورة دم وعروق رقبتو باينين ستجمعت قواها وتكلمت
- إياد بعد وش بيك راك وجعتني
إياد: واش يالالة لحقت بيك تقوليلو نحبك وأنت كلش في حياتي وهداك صديق في الخدمة برك يسما انا صديق برك فلخدمة
- وش راك تخلط خليني نفهمك إياد
إياد: اسسسسس تشوفي سمعت كلش ...تاع صح نتم لبنات كامل كيف كيف ...اذا عندك واحد تحبيه وهو حياتك ...علاه تبينيلي بلي تحبيني انا ومعجبة بيا ...تحسبلك مش فايق وي فايق بكللللش ...راكي تلعبي بيا ...علبالك شكون انا انا إياد ماش فرخة كيفك تلعبها عليا وتستغلني
سيلين كانت رح تبرر موقفها بصح تراجعت
سيلين:ابعد عليا وش حسبالك نبقى حياتي كل وانا نستنى فيك ...نوو مش انا لي تبكي على راجل وندمر حياتي عليه ...نقلك صح كنت معجبة بيك ...بصح انت قلتها خلي كلش في حدود ...وانا راني ندير هكا ومخلية حدود ...لاااا بعدت اصلا وشفت حياتي ...واش مش عاجبك والو انت
عضت شفتها تحبس فدموعها باش ميطيحوش ...وهنا إيااد بلا سابق انذار ....غطس فيها وجبدلها شفتها وغطس معاها في بوسة طويلة ...بوسة طيرتها لسابع سما .....رخفت روحها وهي بين يديه تسمتع بلحظة هدي ...هو كان فرحان لأنو عرف بلي هدي اول بوسة ليها وستمتع بيها ومابعدش عليها حتى حسها رح تدوخ بين يديه ويتقطع نفس عليهم .....
بعد عليها وقعد يشوف فيها وكفاه يفسرلها لي دارو وهو اصلا معندوش تفسير ...هو مش قانع بروحو على سبة غيرتو وعلى ضعفو قدامها
إياد:مممممممم مالا شفتي حياتك ...انتي هدرتي وانا تأكدت بلي صح منعنيلك والو وتبسم على جنب ...تاع راكي مفضوحة قدامي
سيلين حمارت من الحشمة ماعرفت واش تهدر لسانها خانها وماقدرت تعبر بوالو مزالت مشوكية من البوسة ...بصح هو مدارهاش لانو حب يديرها ...كان حاب يرضي غرورو
سيلين:إياك ...اياااك تعاودها ..بعدني انا وقت نقول رح نبعد وندير لقلب باش نبعد انت تقرب وش معناها ...هنا وصاااي إياد ...منيش لعبة عندك انا عبد ونحس انا منيش قادرة هدا راهو يوجع (وحطت صبعها على قلبها)هنا راهو تحرق متزيدش تعاودها خلي مسافة بيناتنا بعدني وحطت يدها على فمها تبكي وخرجت تجري
إياد مالقى مايهدر ...مزال فدوامة تفكيرو وحس انو ظالمها بزااف ومش قادر يسيطر على روحو ولا يعرف مشاعرو
أنت تقرأ
حب العملاء ❤وسط الانتقام🚔تأليف "سماح"(مكتملة)
Actionقد تعطيك الحياة خيبات ....قد يتولد الألم .....قد تصبح حياتك محصورة بآلام الماضي ...وتتحرر فقط بالانتقام ....ولكن لابد ان لا تنسى كيف تعيش وانت في طريقك للانتقام .....لابد ان لا تنسى كيف تحب وتضحك وتأسس حياة .....ولا ان تنسى معدنك سواء رجل او بنت...
