حب العملاء ❤وسط الانتقام🚔تأليف "سماح"(مكتملة)

part15

عند إياد
جاك: وااااو هدا كامل يطلع من ماري هي صح وحدة قوية بزاف مي متوفعتش هي ورا هدي القضية لي بهرت المجموعات الاستخباراتية كامل
سلمى :يطلع منها بصح برودها يحير وكأنو ولا علبالها
سيلين:بصح ياجماعة علاه خلاو ها سرية وشكون ورا ماري حتى يخبيو عليها هك ويمسحو كلشي عليها وعلى القضية هدي والله ياماري كل مرة نكتشفو حاجة تصدمنا منها
أمير:اصلا هو مزتل يخمم فيها ومع لكلمة لخرة تاع سيلين تلفتلها
أمير:علاه وشمن حقائق كشفتو
شافو في بعض والتزمو الصمت لأنو يحسو بلي أمير غريب على مجموعتهم اصلا راهم كشفو قدامو اوراق مكانش لازم يكون حاضر فيها هو صح من المخابرات لكن مش من مجموعتهم
أمير:مممممم نفهم بلي رح تسكتو وتلفت لإياد وخزرلو بمعنى فهمني
إياد:راح ماشي عند لباب وتلفتلهم :ياااااجمااعة نظن هنا تخلاص سهرتنا انا نخليكم ومكنلاه يزيد واحد يعيطلي رح نخمر وغمزهم😉بونوي
وقبل مايخرج يسمع فسيلين قالت
سيلين:مام انا جماعة نروح نعيط لحمزة يجي وصلني وأمين وسلمى ديجا قالو بونوي وسرسبو رايحين وقالو :بونوي
هنا أمير شك انو كاين بزاف حوايج مخبية على ماريانا وصار عندو فضول انو يكشف وبما أنو بقات سيلين حاب ينتهز الفرصة يوصلها ويدي منها شوي معلومات
أمير:سيلين نقدر نوصلك معايا ومع لي كملها عاود دخل إياد
إياد:لا انا نوصلها هيا سيلين 😏
سيلين كانو عينيها قلوب 😍واخيرا رح تنفرد مع حب قلبها حتى لو دقائق وتوهمت انو غار عليها هههه
أمير زفر وخرج وكل واحد دا طريقو لدارو ديجا راه 3تاع صباح وكانت ليلتهم متعبة
أمير وهو فالطريق بقى يخمم في ماري وش يكون وراها وعلاه غامضة هك وش سر قوتها وبرودها وشكون وراها كيما قالت سيلين ونظن هداك ****تاع إياد علبالو بكلش ومحبش يهدر بففففف
إياد وسيلين كانو فالطريق وسيلين بقات تشوف فوجه إياد وسارحة فتفاصيلو الرجولية الي تعشقهم كانت حابة تستمتع بلحظات هدو اصلا هو قليل وين تكون معاه هكداك وحبت كلش فيه
إياد كان منتبه عليها بلي تشوف معاه وكان يتبسم تحت لتحت ومنبعد حب يكسر الصمت
إياد:واش ضيعتي كاش حاجة فوجهي وتبسم بخبث😏😏😏
سيلين حشمت ولات تهدر بتلعثم حشمها البغل
سيلين :أنا ....أ...نا ...أنا ...ان..لا انت
إياد:هههههههههههههههههه شبيك اطفلة شوفي وجهك كفاه ولا وهي زاد على مابيها بضحكتو لي سحرتها
إياد:قرب منها ولا وجهو مع وجها وهدر وهو قريب:مممممم متغوصيش بزاااف منيش المناسب ليك ونظن انو لازم تبقى العلاقة محدودة فالخدمة وبس لانو هكا خير يكون احسن ليك وليا
سيلين حست كأنو موس اخترق قلبها وكلامو جرحها لأبعد الحدود متصورتش يقلها هكا كانت مستحلية قربو بصح جرحها وقتلها بكلماتو لي خرجت كي السم من فمو
سيلين :أنا نعرف الحدود كون متهني من جيهتي (قالتها وهي تتوجع من قلبها حساتو ينزف)وكانت حابة تبكي وتعيط مي شدت روحها قدامو لأنو ماري قالتلها بلي إياد يكره يشوف الضعف قدامو حبت تبان قوية قدامو رغم لي كسرها وجرحها ومزالت حابة تدير لحوايج الي يحبهم على أمل يحبها كاش نهار
إياد شاف فيها وحس انو جرحها ولكن كان لازم يدير هك وقال بينو وبين روحو انا لازم نبعد عليك مش حاب نحطم برائتك وضحكتك حابك تعيشي فرحانة وانا طريقي مسدودة
هو ديجا كسرها بلا مايعرف وماايعرفش بلي هي حباتو وعشقاتو هو كان حاس انو معجبة بيه لانو تصرفاتها قدامو فاضحتها وحب يديرلها حد مي معرفش بلي دمرها ........رجع لبلاصتو وكمل يسوق وهي ساكتة وهديك الضحكة لي خرجت بيها معاه تمحات وملامحها باردة
إياد:احم احم وين رحتي
سيلين :تبسمت بوجيعة تخبي فألمها :راني هنا إياد حابة تحبطني هنا اصلا دار قريبة حابة نمشي شوي
إياد كبس يدو على لفولون ومحبش يرد عليها
سيلين:إيااااااد قتلك احبس
إياد:تلفت ليها وعلى صياحها متوقعش تدير هك :وشبيك علاه تصيحي اياااكي تعاوديها يهدر ويرص على سنيه هو في بالو على صياحها مي نافي بلي مش حاب يخليها وحدها فطريق